“Гуфта — Къуайса”: кӕронбӕттӕн хай

0
55

2020-2021 азты инвестицион программӕйы ӕххӕсткӕнынадмӕ гӕсгӕ фӕндагаразджытӕ бавнӕлдтой Гуфтайӕ Къуайсамӕ автомобилон фӕндаджы рацарӕзты кӕронбӕттӕн хаймӕ.

— Хуссар Ирыстоны сӕйраг фӕндӕгтӕй иуыл нымад у Гуфтайӕ Къуайсамӕ фӕндаг, ӕмӕ конд ӕрцӕудзӕн ацы аз. Фӕндаг аразӕм къӕпхӕнгай. Ацы аз йӕ аразджытӕ бавнӕлдтой, ӕнӕ кондӕй дзы цы 14 километры баззад, уый рацарӕзтмӕ. Бамбӕрздзысты йӕ нырыккон фӕндаггон уӕлцъарӕй. Ацы хъуыддагӕн программӕйы ӕвӕрд ӕрцыди 400 милуан сомӕй фылдӕр. Амӕй размӕ 38 километры дӕргъӕн фӕндаджы арӕзтадыл уӕрӕсейаг ӕхцатӕй хардзгонд ӕрцыди 835 милуан сомы. Ацы фӕрӕзтӕй сарӕзтой фӕндаджы 25 километры, — загъта республикӕйы Арӕзтады министрады минӕвар.

Уӕ зӕрдыл уын лӕууын кӕнӕм, 1,5 миллиард сомы кӕй лимит у, уыцы инвестицион программӕмӕ гӕсгӕ ацы фӕндаджы арӕзтад кӕронмӕ ахӕццӕ кӕндзысты. Уымӕй уӕлдай ма цалцӕггонд ӕрцӕудзысты Цхинвалы уынгтӕ ӕмӕ зӕронд хид, стӕй горӕты сараздзысты ӕртыккаг скъола ӕмӕ «Госрезерв»-ы хойраг ӕфснайӕн бынат.

(Информацион агентад «Рес»)

ОСТАВЬТЕ ОТВЕТ

Please enter your comment!
Please enter your name here