Сӕйраг аргъуаны рацарӕзт ӕмӕ ӕндӕр хъуыддӕгтӕ

0
33

Хӕстӕгдӕр рӕстӕг Дзӕуджыхъӕуы Сыгъдӕг Георгийы аргъуаны райдайдзысты бындурон цалцӕггӕнӕн куыстытӕ. Аргъуаны рацарӕзты проектыл ныхас цыд, Хицауады хӕдзары цы ӕмбырд уыд, уым.

Фембӕлды архайдтой РЦИ-Аланийы Хицауады Сӕрдары хӕдивджытӕ Сӕбӕтхъуаты ӕхсарбег, Иринӕ Азимова, Дзӕуджыхъӕуы архиепископ Леонид ӕмӕ рацарӕзты проекты автор, нывгӕнӕг Дионисий Иванников.

Фембӕлды райдайӕны Сӕбӕтхъуаты ӕхсарбег зӕрдыл ӕрлӕууын кодта, Аланийы аргъуыды 1100 азы кадӕн мадзӕлттӕ саразыны фӕдыл УФ-йы Президент Владимир Путин 2017 азы сӕрмагонд Указ кӕй бафыста, уый.

— Уӕрӕсейы Президенты Указы уагӕвӕрдтӕ хынцгӕйӕ, Цӕгат Ирыстоны Сӕргълӕууӕг Битарты Вячеслав республикӕйы Хицауадӕн бӕлвырд амынддзинӕдтӕ радта, цӕмӕй цӕттӕгонд ӕрцӕуа юбилейы кадӕн ӕппӕт мадзӕлтты пълан. Ныртӕккӕ нӕ сӕйрагдӕр хӕс у, цӕмӕй юбилей бӕрӕг кӕныны рӕстӕгмӕ ӕппӕт нысангонд цалцӕггӕнӕн куыстытӕ дӕр ӕххӕстгонд ӕрцӕуой, — фӕнысан кодта Хицауады Сӕрдары хӕдивӕг.

Бӕрӕгбонмӕ цӕттӕгӕнӕн мадзӕлтты фӕлгӕты республикӕйы цы ахсджиаг историон ӕмӕ архитектурон объекттӕ цалцӕггонд ӕрцӕудзӕн, уыдоны ‘хсӕн сӕрмагонд бынат ис Сыгъдӕг Георгийы аргъуанӕн. Мӕскуыйаг специалисттӕ ныридӕгӕн бацӕттӕ кодтой рацарӕзты проект. Ӕмӕ ныр Хицауады ӕмӕ епархийы минӕвӕрттӕ бӕстондӕр ӕрдзырдтой, цалцӕджы проекты фӕдыл цы мадзӕлттӕ саразын хъӕуы, ууыл.

Уымӕй уӕлдай, цалцӕггӕнӕн куыстытӕ цӕудзысты Дзӕуджыхъӕуы Ирон аргъуаны, Хетӕгкаты Къостайы номыл Ирон литературӕйы музейы, поэты хӕдзар-музейы Нары, стӕй реставратортӕ базилдзысты культурӕйы удварны ӕндӕр цыртдзӕвӕнтӕм дӕр.

Зындгонд куыд у, афтӕмӕй Аланийы саргъуыды 1100 азы кадӕн мадзӕлттӕ Цӕгат Ирыстоны цӕудзысты 2022 азы.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here