Студи «Бонвӕрнон»-ы бӕрӕгбон

0
66

Цхинвайлаг скъола-студи «Бонвӕрнон»-ыл сӕххӕст 20 азы. Ацы ахуырадон кусӕндоны архайд хорз зындгонд у — кӕстӕрты дзы ахуыр кӕнынц музыкалон инструменттыл цӕгъдыныл, зарыныл, кафыныл, стӕй бирӕ ӕндӕр хъуыддӕгтыл.

Студийы юбилейы кадӕн ӕмбырд уыд Сывӕллӕтты сфӕлдыстады республикон галуаны. Уыцы изӕр уырдӕм ӕрбацыд бирӕ адӕм — студийы хъомылгӕнинӕгтӕ, сӕ ныййарджытӕ, стӕй, аивадыл ӕнувыд чи у, уыцы адӕмӕй бирӕтӕ.

«Бонвӕрнон»-ы архайды тыххӕй радзырдта йӕ директор Тедеты Аленӕ. Йӕ ныхасмӕ гӕсгӕ, ӕхсӕнады царды уӕлдай ахсджиаг у сывӕллӕтты удварнон хъомылад.

«Кӕддӕр мӕ зӕрдӕйы фӕзынд сывӕллӕтты скъола-студи байгом кӕныны фӕндон. Ӕмӕ уыцы хъуыддаг не ‘мхъуыдыгӕнджытимӕ нӕ къухы бафтыд. Абон «Бонвӕрнон» ӕнтыстджынӕй кусы, нӕ зӕрдӕ райы, сывӕллӕттӕ ахуырыл куыд зӕрдӕргъӕвд сты, уымӕй», — фӕнысан кодта Тедеты Аленӕ.

Уый фӕстӕ уыд студийы ахуырдзауты стыр концерт. Уыдысты дзы зарджытӕ, кӕфтытӕ, ӕндӕр аивадон композицитӕ…  Сценӕмӕ сывӕллӕтты алкӕцы рацыдыл дӕр-иу залы бадӕг адӕм сӕмбӕлдысты тыхджын къухӕмдзӕгъдимӕ.

Тедеты Аннӕ

ОСТАВЬТЕ ОТВЕТ

Please enter your comment!
Please enter your name here