Стыр Уӕлахизы кадӕн

0
90

Фыдыбӕстӕйы Стыр хӕсты Уӕлахизы 75 азы кадӕн тагъд рӕстӕг Цӕгат Ирыстоны райдайдзӕн номарӕн акци «Фыстӕг фронтӕй».

Не Стыр Уӕлахизы кадӕн республикӕйы цы бирӕ мадзӕлттӕ арӕзт цӕуы, уыдонмӕ се ‘вӕрӕн бахӕсдзысты Цӕгат Ирыстоны ӕвзонг сабырдзинадтауджыты змӕлды уӕнгтӕ дӕр.

«Цы сӕрмагонд номарӕн акци бацӕттӕ кодтам, уым архайыны фадат ис нӕ республикӕйы цӕрджытӕй алкӕмӕн дӕр. Уыимӕ, йӕ сӕйрагдӕр нысан у ӕрыгон фӕлтӕры зӕрдыл ӕрлӕууын кӕнын, сӕ хистӕр фӕлтӕртӕ Фыдыбӕстӕйы Стыр хӕсты рӕстӕг цы удуӕлдайдзинад ӕмӕ хъӕбатырдзинад равдыстой, Райгуырӕн бӕстӕйыл куыд ӕнувыд уыдысты, уый. Бацархайдзыстӕм, цӕмӕй Уӕлахизы боны агъоммӕ фылдӕр адӕммӕ фӕхӕццӕ уой хӕстон фыстӕджыты «ӕртӕтигъӕттӕ», цӕмӕй адӕм радон хатт банкъарой нӕ Фыдыбӕстӕйы таурӕгъон истори, цӕмӕй сӕ цӕстытыл ауайой, хӕстон адӕм сӕ бинонтимӕ бастдзинад цӕй фӕрцы дардтой, уыцы цӕстуынгӕ ӕрмӕджытӕ», — журналисттӕн радзырдта ӕвзонг сабырдзинадтауджыты змӕлды разамонӕг Виктор Беляев.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here