Аивадуарзджыты зӕрдӕтӕ барухс кодтой

0
24

Ацы бонты Хуссар Ирыстоны Хетӕгкаты Къостайы номыл паддзахадон театры сценӕйыл ногӕй ӕвдыст цӕуы 2019 азы ирддӕр ӕмӕ цымыдисагдӕр премьерӕтӕй иу — мюзикл «Ӕз ус нӕ курын».

Годжыцаты Исахъы пьесӕмӕ гӕсгӕ ацы музыкалон спектакл сӕвӕрдта режиссер, Хуссар Ирыстоны адӕмон артисткӕ Хъӕцмӕзты Фатимӕ.

Хъуыддаг афтӕ рауад, ӕмӕ хуссарирыстойнаг театры сценӕйыл музыкалон комеди рагӕй нал сӕвӕрдтой. Уыцы ӕууӕл цхинвайлаг аивадуарзджыты ноджы тынгдӕр сцымыдис кодта театры радон премьерӕмӕ. Ног спектаклмӕ адӕм зӕрдиагӕй бакастысты июны. Ныр та аивадуарзджытӕн ногӕй фадат ис мюзиклмӕ бакӕсынӕн.

Спектаклы зӕрдӕмӕдзӕугӕ фӕлгонцтӕ сарӕзтой Хаситы Эммӕ ӕмӕ Сослан, Мамиты Григори, Тедеты Андрей, Бекъойты Зӕринӕ ӕмӕ театры иннӕ артисттӕ. Музыкалон ӕгъдауӕй мюзикл сфӕлгонц кодта Чочиты Аннӕ.

(Информацион агентад «Осинформ»)

ОСТАВЬТЕ ОТВЕТ

Please enter your comment!
Please enter your name here