Лӕвар хӕринаг — райдайӕн кълӕсты ахуырдзаутӕн

0
29
Ó÷åíèêè íà÷àëüíîé øêîëû îáåäàþò â ñòîëîâîé íà ïåðåìåíå

Цӕгат Ирыстоны Парламенты наукӕ ӕмӕ национ политикӕйы комитетты иумӕйаг ӕмбырд уыд Горӕтгӕрон районы Майскӕйы хъӕуы.

Республикӕйы ахуырад ӕмӕ наукӕйы министр Людмилӕ Башарина дзы куыд фехъусын кодта, афтӕмӕй ацы аз сентябрӕй фӕстӕмӕ скъолаты райдайӕн кълӕсты ахуырдзаутӕн хъарм хӕринаг дӕтдзысты лӕвар. Уыцы хъуыддагӕн федералон бюджет радих кӕндзӕн 140 милуан сомӕй фылдӕр, республикӕйы бюджет та — 40 милуан сомы. Сихоры аргъ уыдзӕн 54,5 сомы.

— Цӕмӕй республикӕйы ӕппӕт ахуыргӕнӕндӕтты дӕр хӕрзад хойраг уа, уый тыххӕй хӕринӕгты иумӕйаг номхыгъд бацӕттӕ кӕныныл архайӕм. Хӕринӕгты хӕрзхъӕддзинадмӕ йӕ цӕст чи дары, уыцы федералон паддзахадон информацион системӕ «Меркурий»-ы регистрацигонд сты Цӕгат Ирыстоны ӕппӕт скъолатӕ дӕр, — загъта министр.

Ныртӕккӕ нӕ республикӕйы скъолаты цы 208 хӕрӕндоны ис, уыдонӕй 17 сты нывылгӕнинаг. Дыууӕ скъолайы нӕй хӕрӕндӕттӕ ӕмӕ буфеттӕ, иннӕ ахуыргӕнӕндӕттӕ цӕттӕ сты хъарм хӕринаг райсынӕн фадӕттӕ саразынмӕ.

Хъарм хӕринӕгтӕ Цӕгат Ирыстоны хъуамӕ аххӕссой 1-4-ӕм кълӕсты 40 мин скъоладзауӕй фылдӕрыл.

Уӕ зӕрдыл уын лӕууын кӕнӕм: нӕ бӕстӕйы Президент Владимир Путин УФ-йы Федералон ӕмбырдмӕ цы Ныстуан арвыста, уым бахӕс кодта, ӕппӕт райдайӕн кълӕсты ахуырдзаутӕн дӕр лӕвар хъарм хӕринаг цӕмӕй уа, ууыл бацархайын.

Гӕлӕуты Наталья

ОСТАВЬТЕ ОТВЕТ

Please enter your comment!
Please enter your name here