Ахуырадон акцийы архайдтой

0
38

Ӕппӕтуӕрӕсеон ахуырадон акци «Урок цифры»-йы фӕткмӕ гӕсгӕ, Цхинвалы ӕрбынӕттон уӕвӕг Наукӕ ӕмӕ культурӕйы уӕрӕсейаг центры ацыд информатикӕйы ӕнахуыр урок.

Центры разамонӕг Сергей Скворцов урокмӕ ӕрбацӕуӕг Цхинвалы, 5-ӕм астӕуккаг скъолайы 8-9 кълӕсты ахуырдзаутӕн раарфӕ кодта.

Урок амонгӕйӕ, информатикӕйы ахуыргӕнӕг ӕлборты Владислав хъазӕн уагӕй фӕсивӕды базонгӕ кодта программированийы ӕмӕ нымӕцон технологиты бындуртимӕ. Акцийы фӕрцы ахуырдзаутӕ нымӕцон фӕзилӕнты ахадындзинады тыххӕй хабӕрттӕ базыдтой.

Акцийы официалон сайт «урокцифры.РФ»-йы тренажеры фӕлварӕнтӕ, ӕнтыстджынӕй радтӕг лӕппутӕ ӕмӕ чызджытӕ урокы кӕрон райстой сертификаттӕ.

(Информацион агентад «Рес»)

ОСТАВЬТЕ ОТВЕТ

Please enter your comment!
Please enter your name here