Арфӕтӕ — Бӕтӕгаты Таймуразӕн

0
20

Знон Цӕгат Ирыстоны Парламенты Сӕрдар Алексей МаЧневӕн фембӕлд уыд инӕлар-майор, ССР Цӕдисы Мидхъуыддӕгты министрады сгуыхт кусӕг Бӕтӕгаты Таймуразимӕ.

Инӕлар Бӕтӕджы-фырты цард ӕмӕ архайд хорз зындгонд сты Ирыстоны цӕрджытӕн. Уый уыд УСФСР-йы Сӕйраг Советы депутат, йӕ рӕстӕджы куыста УФ-йы Конституцийы проектыл, йӕ зӕрдиаг куысты тыххӕй йын саккаг кодтой бирӕ паддзахадон хӕрзиуджытӕ ӕмӕ кадджын нӕмттӕ. Бӕтӕгаты Таймураз йӕ службӕ мидхъуыддӕгты оргӕнты райдыдта хуымӕтӕг ӕххӕстбарджынӕй, фӕстӕдӕр ссис Цӕгат Ирыстоны Мидхъуыддӕгты министрады слестгӕнӕг управленийы хицау ӕмӕ мидхъуыддӕгты министры фыццаг хӕдивӕг. Бӕтӕджы-фырты разамындӕй ӕргомгонд ӕрцыдысты бирӕ ӕвирхъау фыдракӕндтӕ.

Инӕлар абон дӕр иппӕрд нӕу йӕ уарзон Ирыстоны цардӕй, зӕрдиагӕй архайы ӕхсӕнадон хъуыддӕгты, кӕны ахадгӕ патриотон хъомыладон куыст.

Ацы бонты Бӕтӕгаты Таймураз сбӕрӕг кодта йӕ 80 азы. Алексей Мачнев юбилярӕн зӕрдиаг арфӕ ракодта ӕмӕ йын радта РЦИ-Аланийы Парламенты Кады грамотӕ. Парламенты Сӕрдар куыд фӕнысан кодта, афтӕмӕй Бӕтӕджы-фырт бирӕ азты зӕрдиагӕй бакуыста барадхъахъхъӕнӕг оргӕнты.

— Ӕз алкӕддӕр кодтон, адӕм мӕм ӕууӕнк цы хъуыддагмӕ ӕвдыстой, уыдон. Ӕмӕ кӕд ме ‘мзӕххонты арфӕйы аккаг дӕн, уӕд уый мӕнӕн ӕппӕты стырдӕр хӕрзиуӕг у, — йӕ дзуаппон ныхасы фӕбӕрӕг кодта Бӕтӕгаты Таймураз.

Аннӕ Бердыченко

ОСТАВЬТЕ ОТВЕТ

Please enter your comment!
Please enter your name here