Йоды кадавар…

0
67

Йод цы у, уый алчидӕр зоны. Спъирты тад йодӕй пайда кӕнӕм цъӕррӕмыхстытӕ ӕмӕ цӕфтӕ сӕрдынӕн, фӕлӕ ма ис, организмы мидӕг кӕмӕй пайда кӕнынц, ахӕм йод дӕр. Уый фылдӕр зонынц дохтыртӕ. Спъирты тад йод нуазын кӕй не ‘мбӕлы, уый уӕ рох ма уӕд!

Организммӕ хойраг ӕмӕ донимӕ бафтӕг йодӕй пайдагонд цӕуы уартӕнгӕс рӕзынӕджы чырӕгтӕ уадзынӕн. Ацы рӕзынӕджы куыст аразгӕ у, цы йод ӕм бацӕуы, уый бӕрцӕй.

Чырӕгтӕ-цардаразджытӕ

Йод кӕй бындурыл нымад у, уартӕнгӕс рӕзынӕджы уыцы чырӕгтӕ ӕххӕст фиутӕ ӕмӕ ӕвзалыдӕтты хардзкӕнынадӕн разамынд дӕтгӕйӕ, ацы чырӕгтӕ ӕппӕт организмы буаргъӕдты ивынадӕн дзуапп дӕттынц, стӕй магъзы, нервыты системӕйы ӕрдон ӕмӕ ӕхсырон рӕзынӕгты архайдыл ахадынц. Ӕнӕ ацы чырӕгтӕй сывӕллон хорз нӕ рӕзы.

Фӕстаг цалдӕр азы ӕнӕниздзинад хъахъхъӕнынады ӕппӕтдунеон организаци алы бӕстӕты цы иртасӕн куыст бакодта, уый дзурӕг у, адӕймаджы зонды коэффициент та йодимӕ баст кӕй у, ууыл. Йоды кадавары аххосӕй чырӕгон къуыхцытӕ кӕй сӕвзӕры, уый нымайгӕйӕ, уыцы кадавардзинад схуыдтой «ӕмбӕхст ӕххормаг». Йоды кадавар ӕппӕтӕй тынгдӕр бахъыгдары сывӕллӕтты: скъолайы ахуыр кӕнын ӕмӕ сын ног зонындзинӕдтӕ райсын зын вӕййы.

Уартӕнгӕс рӕзынӕджы чырӕгты «арӕзтадон хай»-ыл нымад йоды кадавар расайы гипотериозы (уартӕнгӕс рӕзынӕджы къуыхцыты) рӕзт.

Йоды кадавары фӕстиуджытӕ сты: мӕстыгӕр, ӕрхӕндӕг, фӕллад, рох, зонды къуыхцытӕ.

Кардиологионтӕ: диетӕ ӕмӕ хостӕй сдзӕбӕх кӕнын чи нӕ комы, ахӕм атеросклероз; сӕрмагонд хостӕ дӕр кӕй нӕ аиуварс кӕнынц, зӕрдӕйы куысты ахӕм къуыхцытӕ; тугдадзинтӕ кӕй сӕвзӕр вӕййынц, уый аххосӕй туджы ӕлхъывдад фӕбӕрзонддӕр вӕййы.

Гематологионтӕ: туджы гемоглобин фӕкъаддӕр вӕййы, ӕмӕ хосты пайда ахадгӕ нӕ вӕййы.

Иммунокадаваронтӕ: уартӕнгӕс рӕзынӕджы куыст чысылдӕр куы фӕкъуыхцы вӕййы, уӕд хӕцгӕ ӕмӕ иудадзыгон низтӕ организмыл тых кӕнын райдайынц;

Рӕсыдонтӕ: цӕстыты алыварс, кӕнӕ иумӕйаг рӕсыдтытӕ. Ахӕм уавӕры уыргты куыстӕн ахъазгӕнӕг хостӕй иудадзыг пайдакӕнынады аххосӕй адӕймаджы уавӕр фӕцуды;

Гинекологионтӕ: менструалон фӕткы къуыхцытӕ (менструаци афоныл нӕ вӕййы); ӕвӕддзинад; риуты фазтӕ.

Уартӕнгӕс рӕзынӕджы куыст куы фӕкъуыхцы вӕййы, уӕд стджытӕ рӕзын райдайынц сындӕгдӕр, организм хорз нал фӕрӕзы,

Йоды кадавар аиуварс кӕнӕн куыд ис?

Йоды кадавары фарст сагъӕсы ӕфтауы дунейы 153 бӕстӕйы. Планетӕйы цӕрӕг 1,5 миллиард адӕймагӕй фылдӕр сӕ организмы ӕнкъарынц йоды кадавар. Йоды кадавар тыхсын кӕны нӕ бӕстӕйы адӕмы 35 процентӕй фылдӕры (афтӕмӕй дзы бирӕтӕ сӕ хабар нӕ зонынц). Ацы фарст алыг кӕныныл архайынц цӕххыл йод бафтауыны фӕрцы. Уыцы цӕхмӕ хауӕг ӕнӕорганикон йод (калийы йодид кӕнӕ калийы йодат) ӕххӕстӕй атайы уартӕнгӕс рӕзынӕджы, фӕлӕ ӕнӕорганикон йод куы фегӕр уа, уӕд, уӕвӕн ис, ӕмӕ уартӕнгӕс рӕзынӕгмӕ низтӕ разына.

Йоды кадавар аиуварс кӕнынӕн ӕппӕтӕй хуыздӕр у урсагон буаргъӕдтӕм хауӕг хостӕй спайда кӕнын, фӕлӕ байхъусын хъӕуы дзӕбӕхгӕнӕг дохтыры уынаффӕмӕ.

Ӕнӕниз ут!

Медицинон профилактикӕйы республикон центр

ОСТАВЬТЕ ОТВЕТ

Please enter your comment!
Please enter your name here