Карантины мадзӕлттӕ ахицӕн сты

0
29

Знон Цӕгат Ирыстоны иумӕйагахуырадон ӕмӕ скъолайы агъоммӕ ахуырады кусӕндӕтты адарддӕр кодтой ахуырадон ӕмӕ хъомыладон процесс.

Зындгонд куыд у, афтӕмӕй февралы зынгӕ фӕфылдӕр грипп ӕмӕ ӕндӕр ахӕм хӕцгӕ низтӕй рынчынты нымӕц. Уыимӕ, низӕфтауӕг бахъыгдардта сывӕллӕттӕй бирӕты дӕр. Уыцы ӕууӕл хынцгӕйӕ, стӕй низ дарддӕр парахат кӕнынӕн гӕрӕнтӕ сӕвӕрыны нысанимӕ санитарон цӕстдарды службӕты амынддзинадмӕ гӕсгӕ, скъолатӕ ӕмӕ рӕвдауӕндӕттӕ мӕйы райдайӕны рӕстӕгмӕ сӕхгӕдтой.

Ныр ивгъуыд къуырийы кӕрон Ахуырад ӕмӕ наукӕйы министрад ногӕй ӕркаст сӕвзӕрӕг уавӕрмӕ ӕмӕ уынаффӕ рахаста, цӕмӕй къуырисӕры, 17 февралы, ногӕй кусын райдайой ахуырадон ӕмӕ хъомыладон кусӕндӕттӕ. Афтӕмӕй, карантины мадзӕлттӕ ахицӕн сты.

Уыимӕ, санитарон цӕстдарды службӕтӕ сӕвзӕргӕ уавӕрмӕ дарддӕр дӕр бӕстон кӕсынц.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here