Сӕ нӕмттӕ рох нӕ уыдзысты

0
50

Хуссар Ирыстоны Хъахъхъӕнынады министрады разамынды уынаффӕйӕ Цхинвалы арӕзт ӕрцӕудзӕн, 1993 азӕй 2008 азмӕ, гуырдзиаг лӕбурджыты ныхмӕ хӕстыты чи фӕмард, уыцы ӕфсӕддон службӕгӕнджыты номарӕн мемориал.

Ахӕм номарӕн комплексы арӕзтады тыххӕй республикӕйы хъахъхъӕнынады министр Гасситы Ибрагим радзырдта министрады коллегийы ӕмбырды.

Гассийы-фырт куыд фӕнысан кодта, афтӕмӕй мемориалӕн номарӕн нысаниуӕгӕй уӕлдай уыдзӕн ахсджиаг ӕфсӕддон-патриотон хъомылады ахадындзинад. «Куыд нысан кӕнӕм, афтӕмӕй арӕзтадон куыстытӕ ахицӕн уыдзысты азы кӕронмӕ», — загъта министр.

Ныридӕгӕн сӕрмагонд къамис сфидар кодта номарӕн комплексы проект. Ног цыртдзӕвӕн ӕрбынӕттон уыдзӕн Хуссар Ирыстоны Хъахъхъӕнынады министрады ӕфсӕддон городочы фӕзуатыл.

(Информацион агентад «Осинформ»)

ОСТАВЬТЕ ОТВЕТ

Please enter your comment!
Please enter your name here