Уӕлдӕр ахуыргӕнӕндӕтты ахадындзинад бӕстӕйы экономикӕ ӕмӕ культурӕйы рӕзтыл

0
33

Паддзахадон Советы ӕмӕ Президенты цур ахуырад ӕмӕ наукӕйы Советы иумӕйаг ӕмбырды ӕрдзырдтой уӕлдӕр ахуырадыл. Ныхас дзы цыд уӕлдӕр ахуыргӕнӕндӕтты паддзахадон бынӕттӕ фӕфылдӕр кӕныныл, аспирантурӕмӕ бацӕуыны уавӕртӕм лӕмбынӕгдӕр кӕсыныл ӕмӕ «тутт» уӕлдӕр ахуыргӕнӕндӕттӕ сӕхгӕныныл. Не ‘хсӕнад ахӕм ивддзинӕдтӕм цӕттӕ у ӕви нӕ?

Ацы фарстӕн дзуапп бӕрӕг у, ӕрмӕст цӕттӕ нӕу, фӕлӕ йӕ дарддӕры хъысмӕт баст у, ацы фарст куыд хынцт ӕрцӕудзӕн, уымӕй. Наукӕ ӕмӕ уӕлдӕр ахуырады министрад цы мадзӕлттӕ сбӕрӕг кодта, уыдоны фӕрцы базонӕн ис, уӕлдӕр ахуыргӕнӕндӕттӕн регионы райрӕзты цы ахадындзинад ис, уый. Ацы фарст ахсджиаг бынат ахсы ӕрмӕст федералон министрады нӕ, фӕлӕ регионалон хицауады боны фӕткы дӕр. Уымӕн ӕвдисӕн у нӕ республикӕйы Хицауады куыст.

Советон азты уӕлдӕр ахуыргӕнӕндӕттӕн цы ахадындзинад ӕмӕ нысан уыд, уый бахъахъхъӕнын нӕ къухы бафтдзӕн ӕви нӕ: Соросы деполитизацийы эксперименттӕ, хъуыддагӕй та нӕ къух систам уӕрӕсейаг ӕмӕ советон традицион ахуырадыл, специалитет ӕнӕпайдайаг дихгонд ӕрцыд бакалавриат ӕмӕ магистратурӕйыл.

Ӕнӕмӕнгӕй, кусын хъӕуы ӕхсӕнад ӕмӕ адӕймаджы ӕмахастдзинӕдтыл, регионты ӕмӕ иумӕйагӕй бӕстӕйы экономикӕйыл. Уымӕ гӕсгӕ ахуырад хъуамӕ хи нысан ма уа, фӕлӕ алы адӕймагӕн дӕр йӕ царды нысантӕ ӕххӕст кӕныны бӕлвырд механизм.

Бирӕ азты размӕ Владимир Путин куыд загъта, афтӕмӕй ӕрмӕстдӕр уӕд скӕндзӕн аргъ фӕсивӕд ахуырадӕн. ХХ ӕнусы 30-ӕм азты нӕ республикӕ хуыдтой «Хохаг Кембридж». Уымӕ гӕсгӕ мах нырма бирӕ бакусын хъӕуы, цӕмӕй нӕ къухы исты бафта ӕмӕ йын йӕ раздӕры кад фӕстӕмӕ раздахӕм.

Хъыгагӕн, бӕрцӕй дӕр ӕмӕ хӕрзхъӕддзинадӕй дӕр уӕлдӕр ахуыргӕнӕндӕттӕ раздӕры хуызӕн нал сты. Стыр бӕллӕхыл нымад сты «афтид» уӕлдӕр ахуыргӕнӕндӕттӕ, фӕлӕ алы уӕлдӕр скъолайы дӕр «афтид» кафедрӕтӕ цас ис?! Уӕдӕ куыст кӕмӕн нӕй, ахӕм специалисттӕ уадзын дӕр пайда нӕу.

2012 азы закъон уӕлдӕр ахуыргӕнӕндӕттӕн бар дӕтты кафедрӕты нымӕц сӕхи фӕндонмӕ гӕсгӕ аразын, фӕлӕ куыд сбӕрӕг, афтӕмӕй се ‘хсӕн ис бирӕ «афтид» кафедрӕтӕ. Ахӕмтӕн сӕ бон нӕу нӕдӕр наукон куыст кӕнын, нӕдӕр студенттӕн фаг зонындзинӕдтӕ дӕттын.

Ӕнӕмӕнгӕй хъӕуы саразын ахӕм мадзӕлттӕ, цӕмӕй уӕлдӕр ахуыргӕнӕндӕтты ахадындзинад регионы райрӕзтимӕ сбӕрӕг уа. Уый бар ратдзӕн ахуырад ног бӕрзӕндмӕ сисынӕн, ӕмӕ уый тыххӕй цавӕр фӕрӕзтӕ бахъӕудзӕн, уый базонын. Нӕ фӕсивӕдӕн уый фӕпайда уыдзӕн, сӕхи цӕмӕй фӕдарой ӕмӕ ма фидӕны сӕ бӕллицтӕ сӕххӕст кӕнынӕн дӕр чи фӕахъаз уыдзӕн, ахӕм дӕсныйӕдтӕ равзарынӕн.

Чеджемты Сергей,

педагогон наукӕты доктор, профессор, УФ-йы ахуырады сгуыхт кусӕг

ОСТАВЬТЕ ОТВЕТ

Please enter your comment!
Please enter your name here