Патриотон организациты минӕвӕртты фембӕлд — Махачкалайы

0
28

Ацы бонты горӕт Махачкалайы йӕ куыст кодта Цӕгат Кавказы федералон зылды патриотон организациты уӕрӕх ӕмбырд «Нӕ Уӕлахиз».

Уыцы форумы архайдта Республикӕ Цӕгат Ирыстон-Аланийы делегаци дӕр. Нӕ республикӕйы делегацийы разамонӕг — ӕппӕтуӕрӕсеон граждайнаг-патриотон змӕлд «Уӕрӕсейы ӕнӕмӕлгӕ полкъ»-ы регионалон хайады разамонӕг Бокоты Эльбрус куыд радзырдта, афтӕмӕй Махачкаламӕ абалц кодтой Цӕгат Ирыстоны Ветеранты советы сӕрдары хӕдивӕг Бедойты Руслан, ӕфсӕддон-патриотон хъомылады республикон центры хицау Хъайтыхъты Аслан, Фӕсивӕды хъуыддӕгты фӕдыл комитеты сӕрдары хӕдивӕг Бекъойты Аслан, се ‘хсӕнадон хъӕппӕристӕй зындгонд чи у, уыцы Хъарданты Тимур ӕмӕ Алинӕ Акоефф, стӕй иннӕ фӕсивӕдон ӕмӕ бархионты организациты минӕвӕрттӕ.

«Ахӕм ахсджиаг форум саразыны хъӕппӕрис рацыд змӕлд «Уӕрӕсейы ӕнӕмӕлгӕ полкъы»-ы разамындӕй. Цӕгат Кавказы ӕхсӕнадон-патриотон организациты минӕвӕрттӕ бӕстон ӕрныхас кодтой сӕ дарддӕры архайды фарстытыл. Форумы рӕстӕг сӕрмагонд ӕргом здӕхт ӕрцыд не стыр Уӕлахизы 75 азы бӕрӕгбонмӕ цӕттӕгӕнӕн мадзӕлттӕм. Кӕй зӕгъын ӕй хъӕуы, уыцы стыр юбилейы кадӕн мадзӕлттӕ ныртӕккӕ дӕр цӕуынц ӕппӕт уӕрӕсейаг регионты. Уыимӕ, бӕрӕгбон куыд ӕввахсдӕр кӕна, афтӕ фылдӕр уыдзӕн сӕ архайджыты нымӕц дӕр, стӕй сӕ ахадындзинад дӕр», — фӕстӕдӕр радзырдта Бокоты Эльбрус.

Цӕгаткавказаг форумы кадджын уазджытӕ уыдысты Уӕрӕсейы Хъӕбатыр, УФ-йы ӕхсӕнадон палатӕйы секретары хӕдивӕг Вячеслав Бочаров, инӕлар-булкъон, «Уӕрӕсейы ӕнӕмӕлгӕ полкъ»-ы центрон штабы ӕмсӕрдар Сергей Макаров ӕмӕ иннӕ зындгонд адӕймӕгтӕ.

Форумы делегаттӕ ӕмӕ уазджытӕ уыдысты ӕмхъуыды — нӕ иумӕйаг сӕйрагдӕр хӕстӕй иу у дарддӕр дӕр ӕппӕт хъарутӕй кусын нӕ граждайнаг ӕхсӕнады райрӕзтыл, нӕ бӕстӕйы адӕмты ӕнгомдзинад ӕмӕ иудзинадыл.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here