Цӕрӕнуӕтты сертификаттӕ райстой

0
14

Цӕгат Ирыстоны Арӕзтад ӕмӕ архитектурӕйы министрады пресс-службӕйы минӕвары ныхасмӕ гӕсгӕ, нӕ республикӕйы хъӕууон районты  21 ӕрыгон бинонтӕ райстой цӕрӕнуӕтты сертификаттӕ. Афӕдзы кӕронмӕ 85 бинонтӕ райсдзысты ахӕм гӕххӕттытӕ.

— ӕрыдоны районы 13 бинонтӕ ӕмӕ Дыгуры районы  8 бинонтӕ цӕрӕнуаты аргъы хай бафидыны тыххӕй райстой ӕвдисӕндартӕ. Ацы гӕххӕтт адӕймагӕн дӕтты  цӕрӕнуат балхӕныны кӕнӕ йӕ сцалцӕг кӕнынӕн субсиди райсыны фадат, — загъта  ведомствӕйы минӕвар.

Афӕдзы кӕронмӕ 85 ӕрыгон бинонтӕ ифтонггонд ӕрцӕудзысты цӕрӕнуӕтты сертификаттӕй. Афтӕ бакӕныны фадат ис Уӕрӕсейы паддзахадон программӕ «2018-2025 азты аслам ӕмӕ удӕнцой цӕрӕнуӕттӕй Уӕрӕсейы Федерацийы граждӕнты ифтонгад»-ы фӕрцы.

2023 азмӕ федералон бюджет цӕрӕнуӕттӕй ӕрыгон цӕгатирыстойнаг бинонты сифтонг кӕныны хъуыддагӕн радих кӕндзӕн 176 милуан сомӕй фылдӕр.

Фарон 141 бинонтӕ райстой цӕрӕнуӕтты сертификаттӕ. Ӕдӕппӕтӕй 700 бинонтӕн сӕ цӕрӕнуӕтты уавӕртӕ сты фӕхуыздӕргӕнинаг.

Янӕ ВОЙТОВА

ОСТАВЬТЕ ОТВЕТ

Please enter your comment!
Please enter your name here