Цӕгат Ирыстоны зынаргъ цӕрджытӕ!

0
16

Арфӕ уын кӕнын ахсджиаг паддзахадон бӕрӕгбон — Фыдыбӕстӕ хъахъхъӕнӕджы боны фӕдыл.

Уӕрӕсейы кадджын бӕрӕгбӕтты къӕлиндары уый ахсы сӕрмагонд бынат. Йӕ хъӕбатыр историйӕн, Райгуырӕн бӕстӕйы фырттӕ ӕмӕ чызджытӕн, ӕппӕты тызмӕгдӕр фӕлварӕнты азты йӕ сӕрибардзинад ӕмӕ хӕдбардзинад чи бахъахъхъӕдта фыдгулы фыдвӕндтӕй, абон та бӕстӕйы Гӕрзифтонг тыхты чи службӕ кӕны, Фыдыбӕстӕ хъахъхъӕнын йӕ сӕйраг граждайнаг ӕмӕ ӕфсӕддон хӕсыл чи нымайы, уыцы ӕппӕт адӕмӕн уый у нӕ иумӕйаг цыт кӕныны ӕвдисӕн.

Абон мах рухсаг зӕгъӕм ӕмӕ нӕ зӕрдыл дардзыстӕм, Фыдыбӕстӕйы Стыр хӕсты фронтты карз хӕстыты чи фӕмард, сабыр дуджы та Уӕрӕсейы паддзахадон ӕнӕхъӕндзинад ӕмӕ йӕ хӕдбардзинад  хъахъхъӕнгӕйӕ, чи фӕмард, уыдоны.

Нӕ бирӕнацион республикӕйы ӕфсӕддон службӕ ӕмӕ хӕстон ӕхсардзинад кӕддӕриддӕр уыдысты ӕмӕ уыдзысты уӕлдай кадджындӕр. Цӕгат Ирыстоны чи райгуырд, уыдонӕй бирӕтӕ кадджын ӕмӕ намысджынӕй  службӕ кодтой Фыдыбӕстӕйӕн, ирд сыфтӕ бахастой Райгуырӕн бӕстӕйы хъӕбатыр историмӕ, ӕмӕ сын уый тыххӕй се ‘мбӕстӕгтӕ кӕнынц ӕгӕрон кад.

Ӕмӕ абон дӕр нӕ республикӕйы минӕвӕрттӕ дарддӕр аккаг хуызы хӕссынц сӕ раззагдӕрты эстафетӕ, арӕхстджынӕй хъахъхъӕнынц ӕфсӕддон традицитӕ ӕмӕ иудадзыгдӕр цӕттӕ сты Уӕрӕсейы абон ӕмӕ фидӕн бахъахъхъӕнынмӕ.

Уадз ӕмӕ ацы зынгӕ бӕрӕгбон ноджыдӕр ма иу хатт суӕд нӕ зӕрдиаг арфӕйаг бӕрӕггӕнӕн, Райгуырӕн бӕстӕйы сӕраппонд чи тох кодта, ӕмӕ абон йӕ ӕдасдзинад, сабырдзинад ӕмӕ фӕрныгад чи хъахъхъӕны, уыдонӕн.

Ӕнустӕм ма ферох уӕнт, чи  фӕмард, уыцы хъӕбатыртӕ! Абон Уӕрӕсейы ӕфсады чи службӕ кӕны, уыцы салдӕттӕ ӕмӕ афицертӕн се ‘ппӕтӕн дӕр мӕ зӕрдӕ зӕгъы ӕнӕниздзинад ӕмӕ ӕнтыстдзинӕдтӕ сӕ службӕйы. Фыдыбӕстӕ хъахъхъӕнӕджы ном алкӕуыл дӕр бирӕ хӕстӕ бавӕры, ӕмӕ сӕ кадимӕ ӕххӕст кӕнын уӕ къухы ӕфтӕд.

Битарты Вячеслав,

Республикӕ Цӕгат Ирыстон-Аланийы Сӕргълӕууӕг

ОСТАВЬТЕ ОТВЕТ

Please enter your comment!
Please enter your name here