Зынаргъ ӕмбӕлттӕ!

0
24

Арфӕ уын кӕнын Фыдыбӕстӕ хъахъхъӕнӕджы боны фӕдыл!

Алы аз дӕр ацы бон мах кад кӕнӕм, сабыр царды, хӕсты рӕстӕг дӕр Райгуырӕн бӕстӕйӕн сыгъдӕгзӕрдӕйӕ лӕггад чи кӕны, йӕ ӕдасдзинадыл ын чи архайы ӕмӕ алы минут дӕр йӕ бахъахъхъӕнынмӕ цӕттӕ чи у, уыдонӕн.

Йӕ Фыдыбӕстӕйӕн, йӕ адӕмӕн, йӕ бинонтӕ ӕмӕ хӕстӕджытӕн фидар зӕрдӕдарӕн ӕмӕ ныфсы цӕджындз уӕвын — цы хъуамӕ уа нӕлгоймагӕн уымӕй кадджындӕр!

Республикӕ Цӕгат Ирыстон-Аланийы сӕйраг горӕт Дзӕуджыхъӕу сӕрыстырӕй хӕссы «Хӕстон нымысы горӕт»-ы кадджын ном. Нӕ зӕрдӕты ӕнустӕм дардзыстӕм, Фыдыбӕстӕйы Стыр хӕсты рӕстӕг сабыр цард ӕмӕ сӕрибары сӕраппонд йӕ цӕрд чи радта, уыдоны рухс нӕмттӕ.

Фыдыбӕстӕ хъахъхъӕнджыты рӕнхъыты абон сты, уӕлахизхӕссӕг чи уыд, уыдонӕн сӕ цот ӕмӕ сӕ цоты цот. Сӕ хистӕрты хӕстон намыс дарддӕр хӕсгӕйӕ ӕмӕ йӕ ноджы бӕрзонддӕр кӕнгӕйӕ, уыдон кадджынӕй ӕххӕст кодтой сӕ ӕфсӕддон хӕс Афганистаны, Хуссар Ирыстоны ӕмӕ-иу алы рӕтты цы хӕстон быцӕутӕ сӕвзӕрд, уым. Ныртӕккӕ дӕр службӕ кӕнынц ӕмӕ хъахъхъӕнынц нӕ бӕстӕйы арӕнтӕ ӕмӕ йӕ национ интерестӕ.

Зӕрдӕбын арфӕ кӕнын Фыдыбӕстӕйы ӕппӕт хъахъхъӕнджытӕн, сӕ Райгуырӕн бӕстӕйӕн иузӕрдионӕй лӕггад кӕй кӕнынц, уый тыххӕй, сӕ хъабатырдзинад ӕмӕ лӕгдзинады тыххӕй. Нӕ райгуырӕн Дзӕуджыхъӕу, нӕ уарзон Ирыстон ӕмӕ бирӕнацион Уӕрӕсейы рӕзтӕн кӕй ницы ӕвгъау кӕнут, уый тыххӕй уын стыр бузныг.

Нӕ ветерантӕн мӕ зӕрдӕ зӕгъы ӕнӕниздзинад, салдӕттӕ ӕмӕ афицертӕн та — ӕнтыстджын службӕ. Нӕ республикӕйы ӕппӕт цӕрджытӕн та — сабырдзинад ӕмӕ фӕрныг цард.

ИКЪАТЫ Русланбег,

горӕт Дзӕуджыхъӕуы муниципалон сконды сӕргълӕууӕг

ОСТАВЬТЕ ОТВЕТ

Please enter your comment!
Please enter your name here