Профессион ахуырады курсытæ

0
40

Национ проект «Демографи»-йы фæлгæты декретон отпусчы чи ис, уыцы мæздæггаг сылгоймæгты профессион ахуырадæн фадæттæ арæзт æрцыд. Дзæуджыхъæуы Ахуырады кусджыты зонындзинæдтæ фылдæргæнæн институты специалисттæ Мæздæгмæ ацыдысты æмæ проекты архайджытæн лекцитæ бакастысты.

Хъомылгæнджыты профессион цæттæкæнынадæн радих кодтой 180, хъомылгæнджыты æххуысгæнджытæн та — 72 сахаты.

— Ахуырадон курсытæм æрбацыдыстæм тынг разæнгардæй. Проект пайдайаг кæй уыдзæн, ууыл нæ зæрдæ дарæм. Ахуырадон курсыты архайынæн нын ис хорз фадæттæ. Декреты фæстæ ног зонындзинæдтимæ куыстмæ рацæудзыстæм, — зæгъы проекты архайæг Светланæ Ибрагимова.

Проекты архайджытæй педагогон ахуырад кæмæ ис, уыдон кусынц рæвдауæндæтты. Проекты фæрцы сын уыдзæн дæргъвæтин декретон отпусчы фæстæ куыстмæ ног зонындзинæдтимæ бавналыны фадат. Адæмæн куыстдæттæн центр сылгоймæгты ныридæгæн æрæмбырд кодта хæринаггæнæг æмæ медицинон хойы дæсныйæдтæм гæсгæ профессион цæттæдзинады курсыты ахуырад ацæуынæн.

— Рæхджы ацы проекты æххæст кæнын райдайдзыстæм æнæниздзинад хъахъхъæнынады къабазы. Сертификат райсын кæй фæнды, 11 ахæм медицинон хойы бацæттæ кодтам. Ацы сылгоймæгтæ декретон отпускæй куы рацæуой, уæд сæм уыдзæн æвдисæндартæ, — зæгъы Мæздæджы районы адæмæн куыстдæттæн центры директор Наталья Карякина.

 

Евгения ВЫБОРНАЯ

ОСТАВЬТЕ ОТВЕТ

Please enter your comment!
Please enter your name here