Владимир ПУТИН: «Регионты разамонджытæ хæсдзысты, субъект цавæр фæткмæ гæсгæ цæрдзæн, уый тыххæй уынаффæ»

0
36

Уæрæсейы субъектты разамонджытæн ратдзысты уæлæмхасæн бартæ, уавæрмæ гæсгæ сæхæдæг хæсдзысты, регион цавæр фæткмæ гæсгæ хъуамæ цæра, уый тыххæй уынаффæ.

Уыдæтты тыххæй, цыппæрæмы, коронавирусон хæцгæнизы тыххæй Сидты уæрæсейæгтæн загъта нæ бæстæйы Президент Владимир Путин. «Уавæр æппынæдзух ивы, регионты, суанг муниципалитетты дæр хицæн кæны. Нæ бæстæ у стыр, цæрджыты бæрц алы ран дæр у алыхуызон. Ахæм регионтæ ис, æмæ коронавирус ныридæгæн адæмæн стыр тæссаг кæй у. Зæгъæм, Мæскуыйы. Кæд æмæ хицауад ахъаззаг мадзæлттæй архайы, уæддæр нырма уавæр у вазыгджын. Ахæм регионтæ дæр ис, æмæ дзы иунæг рынчын дæр нæма фæзынд, хъыгагæн, уыдоны нымæц дæр къаддæргæнгæ цæуы», — загъта Президент.

Куыд бацамыдта, афтæмæй кæмдæр æмбæлы ноджы карздæр мадзæлттæ, æндæр ран та, бæрзонд цæттæ  уæвгæйæ,  фаг уыдзысты цавæрдæр хицæн, фæлæ ахъаззаг уынаффæтæ. Владимир Путин ма куыд фæбæрæг кодта, афтæмæй ацы къуырийы кæрон хъуамæ регионты разамонджытæ сбæрæг кæной сæхи фæзуаты низ  ма ‘руадзыны аккаг мадзæлттæ.

Уæрæсейы Федерацийы Президент Владимир Путины уынаффæйæ æнæкусгæ бонтæ адарддæр уыдзысты 30 апрелмæ. «Уавæрмæ гæсгæ, чи зоны, бахъæудзæн уæлæмхасæн уынаффæтæ, кæд æмæ низы фæзынд фæнывылдæр уа, уæд, æнæкусгæ рæстæджы æмгъуыд фæкъаддæр кæндзыстæм», — фæнысан кодта бæстæйы разамонæг.

ОСТАВЬТЕ ОТВЕТ

Please enter your comment!
Please enter your name here