Фæндаг дарддæр аразынц

0
25

Дарддæр аразынц Дзæуджыхъæуæй Мæздæгмæ фæндаг. Уый ахъаз уыдзæн удæнцойдзинадæн æрмæст Ирыстоны адæмæн нæ, фæлæ сыхаг республикæты цæрджытæн дæр. Алцæмæй дæр уыдзæн ифтонг æмæ æдас, цæудзæн нæхи зæххыл, уымæ гæсгæ, уыдзæн бирæ цыбырдæр. Ныридæгæн бæрæг дарынц ног фæндаджы рæсугъд нывæфтыдтæ, йæ фæзилæнтæ æмæ хидтæ.

Автомобилон фæндаг «Кавказ-Хурыхъæу-Малгобек-Мæздæг»-ы арæзтадыл адæм кусынц 58 километры дæргъæн фæндаджы уадздзагыл. Проектмæ гæсгæ йыл уыдзæн æртæ хиды. Ацы бонты сæ арæзтад кæронмæ ахæццæ, сæ уындæй фæндаг сфидыдта. 28 метры дæргъæн хид арæзт æрцыд Камбилеевкæйы доны сæрты, Цæлыччы донхорыггæнæн къанауы сæрты та атындзыдта 18 метры дæргъæн хид.

Фæндаджы бынты цæудзæн 32 донуадзæн æфсæн-бетон хæтæлы, иууылдæр сæ бынат ссардтой, фæндаг лæгъзгонд цæуы, ис дзы æнцойгæнæн гæрæнтæ.

Фæндагаразæг дагестайнаг компани «Дагспецстройсервис»-ы специалисттæ бæрнон цæстæй кæсынц объекты арæзтадмæ. Рацарæзты графикмæ гæсгæ, куыстытæ хъуамæ фæуой 2020 азы фæстаг бонты. Ног фæндаг дзуапп дæтдзæн III техникон категорийы домæнтæн, йæ уæлцъар асфальт æмæ бетонæй æхгæд æрцæудзæн. Цæмæй шофыртæ æмæ фистæгæй цæуджытæ сæхи æдасæй æнкъарой, уый тыххæй ифтонг  уыдзæн электрон рухсытæй.

Зилгæйы, Ног Бæтæхъойыхъæуы, Хурыхъæуы æмæ Малгобечы цæрджытæй бирæтæн ис куысты бынæттæ, афойнадыл исынц мызд. Иууылдæр иумæ архайынц, цæмæй арæзтадон куыстытæ цæуой æнæрлæугæйæ. Участокты хицæутты, прорабты æмæ бригадирты сæргъы лæууы сæйраг инженер Абдула Магдиев. Йæ ныхасмæ гæсгæ, реконструкцийы æппæт куыстытæ ахицæн уыдзысты 2020 азы кæрон. Арæзтадмæ йæ цæст дары заказгæнæг — РЦИ-Аланийы фæндæгты хæдзарады комитет.

 

ГУГКАТЫ Жаннæ

ОСТАВЬТЕ ОТВЕТ

Please enter your comment!
Please enter your name here