Хорз дæнцæг дзы исынц

0
50

Англисы æмæ АИШ-ы цæрджытæ сæ  мыхуыры фæрæзты активонæй фæфыссынц сæ национ разамонджыты тыххæй. Уыдонимæ абаргæйæ, сæ цæсты УФ-йы Президент Владимир ПУТИНÆН йæ кад рæзы. Фæсарæйнаг газеты æмæ блогты нæ бæстæйы разамонæджы тыххæй цы хъуыдытæ ис, уыдоныл афæлгæсын сфæнд кодта газет «Комсомольская правда»-йы политикон хайады редактор Андрей БАРАНОВ.

Шотландийы сæйраг газеты политикон цæстдарæг  Джеральд Уорнер  йæ уац «Путины ног æмбарынад»-ы  фыссы: «Æнхъæл дæр  никуы уыдтæн, æмæ Уæрæсейы Федерацийы разамонæгæн стыр аргъ кæныны рæстæджытæм фæцæрдзынæн. Мах  ныр хъæуы Путины хуызæн раздзог».

Уорнеры хъуыдымæ гæсгæ, АИШ-ы æмæ Европæйы адæм сæхи бæстæты разамонджытæй се ‘нæразыдзинад æвдисгæйæ, сæ фыстыты уæлдай тынгдæр аргъ кæнынц Уæрæсейы тыхджын Президент   Владимир Путинæн. Андрей Баранов куыд бафиппайдта, афтæмæй фæсарæнты ахæм хъуыдыгæнджытæ кæнынц фылдæрæй-фылдæр.

— Фæлæ уæддæр, Путины ныхмæ фæсарæйнаг газеттæй чи фыссы, ахæмтæ дæр ис. Сæ   уацты  дзырд фæцæуы, нæ бæстæ  цы уавæры ис, ууыл, — зæгъы Баранов. — Ныртæккæ  байгом кодтон фæсарæйнаг интернет сайттæй иу. Ис дзы ахæм хъуыдытæ: «Уазал хæсты рæстæг» афтæ бирæтæ хъуыды кодтой АИШ-ы цæрджытæй, ома, Америкæ ис цардæн йæ рухс таджы ‘рдыгæй, Уæрæсе та — йæ тары ‘рдыгæй. Фæлæ ныр уыцы хъуыды цæхгæр фендæрхуызон. Фæсарæнты цæрджытæ сидынц  нæ адæммæ: «Уæрæсе, дарддæр дæр кæн дунейы адæмæн хорздзинæдтæ, раст зондыл хæст æппæт адæмтæ дæуыл сæ зæрдæ дарынц!». Уыцы сидты фарс рахæцыдысты, нæлгоймагæй нæлгоймаджы ‘хсæн ахастдзинæдтæм æвæрццæг цæстæй  кæм кæсынц, уыцы бæстæты цæрджытæ дæр.

Политолог Николай Злобины хъуыдымæ гæсгæ, Владимир Путин хæцы бæстæйы   æцæг бинонтæ кæныны æгъдæуттæ дарддæр хæццæ кæныны фарс.

— Путин, традицион æхсæнады уагæвæрдтæ аивынмæ кæсы хорз цæстæй,  бындурон дзы чи у, уыдонмæ ивддзинæдтæ хæссыны зондыл дæр бынтон хæст нæу. Уыцы уаг ивынмæ фæсарæйнаг бæстæты раздзæуджытæ кæсынц бынтон æндæр цæстæй.  Путины фарс та сты бæстæты разамонджытæн сæ фылдæр, уымæн æмæ кад æмæ аргъ кæнынц уыцы æгъдæуттæн. Фæлæ уыцы зонд нæй фæсарæйнаг бæстæты разамонджытæй бирæтæм, — зæгъы Злобин.

Куыд бæстæйы разамонæг, афтæ Владимир Путин, нацийы интерестæ хъахъхъæныны хъуыддаджы тызмæг æмæ принципиалон кæй у, уыцы  хъуыдыйыл хæст у политикон информацийы Центры генералон директор Алексей Мухин.

«Фæсарæйнаг бæстæты разамонджытæ сæ нациты стратегион фарстытæ хынцыны хъуыддаджы сты æгуыдзæг. Владимир Путины кад сæ цæсты тынг бæрзонд у, фæлæ йæ бæстæты разамонджыты фыццаг рæнхъы сæвæрын сæ цæст нæ уарзы. Сæ номхыгъды дыккаг æмæ æртыккаг бынæтты  вæййы. Уый баст у,  Уæрæсе иудадзыгдæр йæ   национ интерестæ  кæй хъахъхъæны, уыимæ», — фыссы Мухин.

Уæрæсе йæ адæмы интерестæ хъахъхъæныны хъуыддаджы фæсарæйнаг  бæстæты разамонджытæн  дæнцæг кæй у, æмæ йын уыцы хуызы арфæ кæнын кæй æмбæлы, уый тыххæй йын фæсарæнты цæрджытæ  кæнынц аккаг аргъ. Фæсарæнты дзыллон хабархæссæг фæрæзты кусджытæм æмæ адæммæ Путины тыххæй цы хъуыдытæ ис,  уыдон кæрæдзийæ зына-нæзына хицæн кæнынц, фæлæ уæддæр, уыцы хъуыддаг Путиныл аууон не ‘ппары. Уый нæ, фæлæ ма йæхимæ здахы дунеон æхсæнады  æргом.

Уæ зæрдыл уын лæууын кæнын: ацы хъуыдытæ фыссынц уæрæсейæгтæ нæ, фæлæ АИШ-ы æмæ Англисы  цæрджытæ. Кæд сæм, мыййаг, Путины политикон ас, дæргъ æмæ уæрх дардмæ  хуыздæр зынынц?

 

Сергей ТКАЧУК,

(Радио «Вести ФМ»)  

ОСТАВЬТЕ ОТВЕТ

Please enter your comment!
Please enter your name here