Æфсымæрон ингæнтæм базылдысты

0
18

Æппæтуæрæсеон адæмон фронты цæгатирыстойнаг активисттæ Алагиры районы Нузал æмæ Тлийы хъæуты æфсымæрон ингæнты фæзуæттæ бафснайдтой.

Нузайлаг уæлмæрд банывылгæнинаг кæй у, æхсæнадон организацийы уæнгтæ уый   базыдтой майы райдиан цæстдарæн куысты заман. Бынæттон администраци сног кодта, 18 сырхæфсæддоны ныгæд кæм сты, уыцы æфсымæрон ингæн, æхсæнадон организацийы уæнгтæ та хæмпæл ныккарстой, стæй сирены  къалиутæ бахсæстой.

— Нæ хæс у, райгуырæн бæстæйы сæраппонд хæсты чи фæмард, уыцы  сырхæфсæддонты уæлмæрдтæ æфснайдæй дарын æмæ сын сæ рухс нæмттæ ма рох кæнын, — зæгъы активист Константин Гусаков.

Тлийы сырхæфсæддонты цыртдзæвæн сæвæрдтой 35 азы размæ. Хъæбатырты нæмттæ номарæн къæйыл фыст сты (иу мыггагæй дзы цалдæр адæймаджы дæр ис). Адæмон фронты активисттæ уым дæр хæмпæл ныккарстой, стæй æмбонд æмæ цыртдзæвæн сахуырстой. Адæмон фронты æххæсткомы разамонæг Гæлиты Климы ныхасмæ гæсгæ, номарæн комплекс дарддæр нывылгонд цæудзæн.

Æхсæнадон организацийы уæнгты зæрды ис республикæйы æппæт районты æфсымæрон уæлмæрдтæ банывыл кæнын.

 

БÆДТИАТЫ Оксанæ

ОСТАВЬТЕ ОТВЕТ

Please enter your comment!
Please enter your name here