Путин равдыста æндæр ахаст

0
53

Америкаг философ Нассим ТАЛЕБ радзырдта, Уæрæсемæ, йæ Президент Владимир ПУТИНМÆ, стæй ныгуылæйнаг дзыллон-хабархæссæг фæрæзтæм ын цы ахаст ис, уыдæтты тыххæй.

Глобализацийы уылæн дзыллæтæн ницы  хæрзтæ æрхаста, нæ дзы фæбæрæг хъуыдыкæнынады ногдæр хуызтæ, цæстæнгасты ‘хсæн пайдайаг ныхмæлæуд. Ахæм хатдзæгтæм æрцыд нырыккон дуджы  зындгонддæр америкаг философ, фыссæг Нассим Талеб «РБК»-йæн интервьюйы. Йæ хъуыдымæ гæсгæ, дунейы сконд ивы, цавæрдæр централизацигонд хызæджы æнгæс райста, уыимæ, «нæхиуæттæ» æмæ «сымахуæттыл» дихкæныны æууæлтимæ. Цыма тоталитарон скондимæ паддзахад у,  официалон, хицауадон хъуыдыимæ дзы  разы чи нæу, уыдоны та фæсурынц, раст ахæм у йæ иумæйаг «фæлгонц».

Дæнцæгæн философ æрхаста, бирæ азты дæргъы Сирийы цы хæст цæуы, америкаг телеканал «CNN»-æй куыд мæнгæй, сайдæй æвдисы, уый. Талеб абарста, сирийаг хицауадон æфсад Уæрæсейы æххуысæй  Алеппо куы ссæрибар кодтой, уæд дзы йæхæдæг цы федта, ныгуылæйнаг дзыллон хабархæссæг фæрæзтæ та цаутæ сæ репортажты куыд æвдыстой, уыдæттæ. Кæрæдзиимæ сæ абарæн нæ уыд, уымæн æмæ уыцы репортажтæ æцæгдзинадмæ ницы бар дардтой. Нассим Талеб куыд фæбæрæг кодта, афтæмæй ныгуылæйнаг журналисттæ уавæры рæстдзинад куы равдыстаиккой, уæд сыл «Путины фарсхæцджыты» нæмттæ сфидар уыдаид, америкаг раззагдæр телеканалтæй хауæццаг фæуыдаиккой.

Йæ интервьюйы Талеб æргомæй радзырдта, Владимир Путинæн цавæр аргъ кæны, уый тыххæй. Куыд бацамыдта, афтæмæй йæхæдæг у ливайнаг чырыстæттæй рацæуæг, уæрæсейаг разамонæджы архайд уыцы адæм сæхиуыл банкъардтой. «Уæрæсе сирийаг быцæу бауромынмæ, банывыл кæнынмæ куы нæ бавнæлдтаид, уæд абон ливайнаг чырыстæттæ уыдаиккой мард, — загъта философ. — Сирийаг хæсты архайæг паддзахæдтæй алкæцымæ дæр ис хицæн ахаст быцæумæ. Ныгуылæйнаг бæстæтæ йæм бюрократы цæстæй кæсынц, уыдон та егъау бæллæхтæ сæ зæрдæтæм хæстæг нæ исынц. Ахъуыды кæн, уæд бюрократ мæт кæны æрмæстдæр йæхиуыл, йæ куысты бынат бахъахъхъæныныл, уæлдæр бынатмæ схизыныл, политикон уæлæмхасæн «æфтиæгтæ» йæ рæбыны æрæфснайыныл. Ахæм бындуртæ Хæстæг Скæсæны цæрæг адæмтæн сты тæссаг, зианхæссæг, ливайнаг чырыстæттæн та — бынтон æвирхъау”.

Талебы ныхасмæ гæсгæ, Путин, сирийаг быцæуы «бацæугæйæ», æндæр æууæлтæ æвдыста. Уæрæсейы Президент æмбæрста: йæ уынаффæйы тыххæй æмхуызонæй йæ ныхмæ  фæуыдзысты. Ливайнаг чырыстæттæ сæ зæрдæтæм хæстæг райстой, Путин зындзинæдтæ иуварс авæргæйæ, сæ хъысмæтыл кæй бацархайдта, уый.

 

(Сайт «Путин-24»-йæ)

ОСТАВЬТЕ ОТВЕТ

Please enter your comment!
Please enter your name here