Доны станцæйы куыстмæ се ‘ргом аздæхтой

0
35

Дзæуджыхъæуы Терчыфалейы районы прокуратурæ равзæрста, интернеты социалон хызæгты горæты Доны станцæйы куысты тыххæй цы æрмæджытæ парахатгонд æрцыд, уыдон.

Прокуратурæйы кусджытæ куыд сбæрæг кодтой, афтæмæй, коронавирусы инфекци парахат кæнынæн гæрæнтæ æвæрыны республикæйы бæрзонд цæттæдзинады фæтк йæ тыхы кæй ис, уыцы æууæл ницæмæ æрдаргæйæ, стæй хинайæн рæстæг райдайыны фæдыл цæстдарæг оргæнты уынаффæмæ нæ банхъæлмæ кæсгæйæ, Доны станцæ æнæзакъон архайд кодта.

Уыцы æууæлтæ хынцгæйæ, Терчыфалейы районы прокуратурæ фæлладуагъд æмæ культурæйы дзæуджыхъæуккаг центр «Радуга»-йы (уыцы куыстуаты дæлхайад у Доны станцæ) генералон директоры ныхмæ сарæзта административон æгъдаухæлды фæдыл хъуыддаг. Прокуратурæйы кусджыты хатдзæгмæ гæсгæ, хæлд æрцыдысты УФ-йы Административон æгъдаухæлдтыты фæдыл 6.3 статьяйы уагæвæрдтæ (адæмы санитарон-эпидемиологон фæрныгад хъахъхъæныны фæдыл закъонæвæрынад фехалын).

Уымæй уæлдай, прокуратурæ сæрмагондæй бауайдзæф кодта цæстдарæг æмæ барадхъахъхъæнæг оргæнты минæвæрттæн, адæмы уæгъдибарæй кæй уагътой Доны станцæйы цадтæм æмæ фæллад уадзæг адæмы хи найынмæ.

Прокуророн цæстдарды мадзæлтты фæстиуæгæн ныртæккæ адæмæн Доны станцæмæ хивæндæй бацæуæн нал ис. Уымæй уæлдай, хииппæрддзинады фæтк æмæ сæрмагонд санитарон цæстдарды мадзæлттæ æххæст кæныны æмгъуыды кæронмæ бынаты рад хæссынц пъæлицæйы кусджытæ.

 

РЦИ-Аланийы

Прокуратурæйы

пресс-службæ

ОСТАВЬТЕ ОТВЕТ

Please enter your comment!
Please enter your name here