Сæ размæ æвæрд хæстæ æххæст кæнынц

0
192

Æфсæддон службæмæ уалдзыгон æрсидт Уæрæсейы æххæстгонд цæуы «Æфсæддон хæс æмæ æфсæддон службæйы тыххæй» Уæрæсейы Федерацийы Президенты Указмæ гæсгæ.

Ацы хатт æрсидт цæуы сæрмагонд уавæрты. Уыдон баст сты коронавирус парахат кæныны ныхмæ мадзæлттимæ. Уымæ гæсгæ ныртæккæ æфсæддон комиссарадтæ сæйраг æргом здахынц уыцы мадзæлттæ æххæст кæнынмæ. Сидтонты ласынæн цæттæгонд цæуы дезинфекцигонд сæрмагонд автотранспорт. Сидтонты кæм æмбырд кæнынц, уыцы пункттæ æххæст сты, адæймаджы буарыл не ‘ндзæвгæйæ   тæвдбарæнтæй, тест-системæтæй, бактеритæ  марæг рухсгæнæнтæй, медицинон маскæтæй, дезинфекцигæнæн фæрæзтæй. Сидтонты æрбахоныны размæ, стæй сæ фæстæ æфсæддон комиссарады бæстыхæйттæм базилынц дезинфекцигæнæнтæй. Комиссарады кусджытæ æфсæддонтæн амонынц, низ не ‘руадзыны тыххæй, службæ кæныны бынатмæ цæугæйæ, фæндагыл хи куыд дарын хъæуы, уый. Сидтонты ‘ргом здахынц  æфсæддон службæйы хицæндзинæдтæм æмæ, национ æдасдзинад æххæст кæныны хъуыддаджы  службæйæн цы нысан ис, уымæ. Уымæй уæлдай ма сын æмбарын кæнынц, контрактмæ гæсгæ æфсæддон службæмæ бацæуынæн цы гæнæнтæ ис, уыдон дæр. Контрактмæ гæсгæ службæ чи равзары, уымæн ис йæ социалон фарстытæ лыг кæнынæн паддзахадон æххуыс.

Йæ æфсæддон хæс æххæст кæнгæйæ, хорз зонындзинæдтæ чи равдыста æмæ æфсæддон службæйы бæрзæндтæм схизын йæ къухы кæмæн бафтыд, не ‘мзæххонты ‘хсæн  ахæмтæ бирæ ис.

 

Александр ЯШИН    

ОСТАВЬТЕ ОТВЕТ

Please enter your comment!
Please enter your name here