Владимир Путины амынддзинадмæ гæсгæ…

0
25

Коронавирусы инфекцийы фæстиуджыты аххосæй фæллойы базарады цы уавæр сæвзæрд, уый банывыл кæныны фæдыл Уæрæсейы Президент Владимир Путин сæрмагонд амынддзинæдтæ радта Хицауадæн.

Афтæ, Президенты амынддзинæдтæй иу баст у æгуыст адæмæн пособитæ фидыны хъуыддагимæ. Президенты уынаффæйæ нырæй фæстæмæ ахæм пособийы бæрц æппынкъаддæр уыдзæн 4500 сомы. Уыимæ, уыцы пособи фидыны æмгъуыдыл бафтыдтой ноджыдæр ма æртæ мæйы (ацы азы майæ райдайгæйæ).

Уымæй уæлдай, сидзæр кæнæ æвæгæсæг сывæллонмæ чи кæсы, уыцы адæмæн æрвылмæй дæр фыст цæудзæн фæйнæ 3 мин сомы алкæцы сывæллоны хыгъдмæ дæр.

Амалхъомады къабазы цы уавæр сæвзæрд, уый хынцгæйæ, Владимир Путин Хицауадæн бахæс кодта, цæмæй, пандемийы аххосæй йæ куыст чи баурæдта, уыцы амалхъомтæн дæр æгуыстдзинады пособитæ бафидой.

Президент Хицауадæн сæрмагондæй бахæс кодта, цæмæй 1 июлы æмгъуыдмæ бацæттæ кæна дзуапп уæлдæр амынд уынаффæтæ куыд æххæстгонд цæуынц, уый фæдыл. Президенты амынддзинæдтæ æххæст кæныныл комкоммæ бæрнон уыдзысты премьер-министр Михаил Мишустин æмæ регионты разамонджытæ.

 

«ТАСС»

ОСТАВЬТЕ ОТВЕТ

Please enter your comment!
Please enter your name here