Адæмы царды æмвæзад æмæ се ‘фтиæгтæ

0
33

Ацы азы фыццаг кварталы адæмы æхцайы æцæг æфтиæгты (фæлхасадон æргъты индексмæ гæсгæ кæй сраст кодтой, ахæм æнæмæнг фидинаг фиддонтæ бахынцыны фæстæ æфтиæгтæ) бæрц рауад 101,7%.

Ацы азы фыццаг кварталы мæймæ иу адæймагмæ хауæг æхцайы æфтиæгты рæстæмбис бæрц рауад 21494,2 сомы.

Ацы азы фыццаг кварталы адæмы æхцайы хуымæтæджы æфтиæгты бæрц рауад 44933,9 милуан сомы, ома, фароны уыцы рæстæгимæ абаргæйæ, 3,2% фылдæр, адæмы æхцайы æфтиæгты бæрц та уыд 42158,7 милуан сомы (1,9% фылдæр). Æфснайд æхцаты бæрцыл бафтыд 2775,2 милуан сомы.

Ацы азы фыццаг кварталы адæм се ‘хцайы æфтиæгты иумæйаг бæрцæй товартæ балхæныныл æмæ лæггæдтæ бафидыныл бахардз кодтой 84,2%, æнæмæнг фидинаг фиддонтæ бафидыныл — 8,5%, бындурон исбон балхæныныл та — 0,8%.

Ацы аз январ-мартъийы, фароны уыцы рæстæгимæ абаргæйæ, республикæйы æппæт куыстуæттæ æмæ кусæндæтты кусджытæн нымад рæстæмбис мызды бæрц (материалон æххуыс æмæ социалон фиддонтæ нæ нымайгæйæ) рауад 6,0% фылдæр.

Фæлхасадон æргъты индекс нымайгæйæ, ацы азы æртæ мæймæ, фароны уыцы рæстæгимæ абаргæйæ, æцæг мызды бæрц рауад 104,7%.

Пенситæ. Ацы азы 1 апрелы æвæрд пенситы рæстæмбис бæрц рауад 13198,8 сомы, ома, фароны уыцы бонимæ абаргæйæ, 5,4 % фылдæр, фæлхасадон æргъты индексимæ нымад æвæрд пенситы æцæг бæрц та рауад 103,9%.

ОСТАВЬТЕ ОТВЕТ

Please enter your comment!
Please enter your name here