Ахсджиаг объекттæ — национ проектты фæлгæты

0
73

Цæгат Ирыстоны Хицауады Сæрдар Тускъаты Таймураз, Мæздæджы районы радон кусæг балцы уæвгæйæ, сбæрæг кодта, фыццаградон национ проектты фæлгæты ахсджиаг социалон объекттæ куыд арæзт цæуынц, уый.

Районы сæргълæууæг Гугиты Геннади æмæ районы администрацийы хицау Олег Яровойимæ, стæй республикон ведомствæты минæвæрттимæ Тускъайы-фырт бабæрæг кодта Мæздæг æмæ хъæууон цæрæн бынæтты арæзтадон фæзтæ.

Мæздæджы районы социалон-экономикон райрæзты фарстытæм фæстаг рæстæг республикæйы разамынды ‘рдыгæй ис сæрмагонд цæстдард. Зæгъæм, фæстаг дыууæ азы дæргъы районы æххæстгонд æрцыдысты, ахуырады, культурæйы, æнæниздзинад хъахъхъæнынады æмæ спорты къабæзты инфраструктурæйы уавæрыл хорзæрдæм чи фæзынд, ахæм ахсджиаг проекттæ. Афтæ, ног рæвдауæндæтты арæзтады фæрцы лыггонд æрцыд сывæллоны афойнадыл рæвдауæндонмæ раттыны фарст…

Æмæ ныртæккæ дæр район схонæн ис стыр арæзтадон фæз. Мæздæг æмæ хъæуты арæзт цæуынц ног скъолатæ, фелсырон-акушерон пункттæ, спортивон фæзтæ, цалцæг кæнынц культурæйы хæдзæрттæ æмæ æхсæнадон бынæттæ… Куыд нысангонд цæуы, афтæмæй азы кæронмæ хъуамæ байгом уой ноджыдæр ма цалдæр ахсджиаг социалон объекты.

Ацы балцы рæстæг республикæйы Хицауады Сæрдар сæйраг æргом аздæхта æнæниздзинад хъахъхъæнынады райдиан къæпхæны объектты арæзтадмæ. Афтæ, азы кæронмæ хъуамæ арæзт фæуой ног 16 фелсырон-акушерон пункты. Уыдонæй 10 пункты арæзтад ныртæккæ ис йæ тæмæны, иннæтæм дæр хæстæгдæр рæстæг бавналдзысты. Малгобекы, Сухотскы, Киевскы, Советскы, Комаровы, Веселæйы æмæ иннæ хъæуты куыстытæ куыд цæуынц, уый сæхи цæстæй федтой инспекцион къорды уæнгтæ.

Алкæцы бынаты дæр Тускъаты Таймураз аныхас кодта подрядчиктæ æмæ иннæ бæрнон ведомствæты минæвæрттимæ — алкæй хæстæ дæр иу хатт ма фæбылвырддæр кодтой. Йæ балцæн хатдзæгтæ кæнгæйæ, Хицауады Сæрдар куыд загъта, афтæмæй Мæздæджы муниципалон районы социалон-экономикон райрæзты программæйы уагæвæрдтæ æххæст кæнынмæ здæхт цæудзæн фыццаградон æргом. «Абон районы разамындимæ ногæй бæстон æрдзырдтам муниципалитеты дарддæры райрæзты нысантыл. Уыимæ, æппæт дæр араздзыстæм, цæмæй сæвзæргæ фарстытæ афойнадыл лыггонд цæуой», — бафиппайдта Тускъайы-фырт.

 

РЦИ-Аланийы

Сæргълæууæджы æмæ Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here