Фæлхасадон базар

0
34

Ацы азы фыццаг кварталы розницæйы базарады зилдухы бæрц рауад 27986,8 милуан сомы, ома, фароны уыцы рæстæгимæ абаргæйæ, абаргæ æргътæй нымайгæйæ, 2,1% фылдæр.

Ацы азы æртæ мæймæ базарадон кусæндæтты æмæ хицæн амалиуæггæнджыты розницæйы базарады зилдухы бæрц рауад 21218,8 милуан сомы, ома, фароны уыцы рæстæгимæ абаргæйæ, 2,3% фылдæр. Розницæйы базарады зилдухы базарадон кусæндæтты æмæ хицæн амалиуæггæнджыты хай рауад 75,8% (фарон фыццаг кварталы та — 75,7%).

Розницæйы базартæ æмæ армукъаты ауæйчындæуыд 6768 милуан сомы аргъ товартæ, ома, фароны уыцы рæстæгимæ абаргæйæ, 1,6% фылдæр.

Ацы азы фыццаг кварталы хойраг (нозт æмæ тамакотæ нымайгæйæ) розницæйы базарады зилдухы бацахста 48,7% промышленнон товартæ та — 51,3% (ивгъуыд азы фыццаг кварталы — 48,3% æмæ 51,7%).

Ацы азы фыццаг кварталы адæмæн рауæйчындæуыд 13620,9 милуан сомы аргъ хойраг (нозт æмæ тамакотæ нымайгæйæ) æмæ 14365,9 милуан сомы аргъ промышленнон товартæ. Ивгъуыд азимæ абаргæйæ, товарон бæрцæй нымайгæйæ, уый у 103,3% æмæ 101%.

Ацы азы фыццаг кварталы ауæйчындæуыд 418,1 милуан сомы аргъ карз нозт æмæ бæгæны, ома, фароны фыццаг кварталимæ абаргæйæ, абаргæ æргътæй нымайгæйæ, 3,6% фылдæр. Фарон куыд уыд, афтæ ацы аз дæр карз нозты уæйкæнынады бæрц розницæйы базарады зилдухы рауад 1,5%.

Ацы азы мартъийы кæрон розницæйы базарады кусæндæтты æвæрæнты уыд 165 боны дæргъы уæй кæнынæн фаг 3853,2 милуан сомы аргъ товартæ.

Ацы азы фыццаг кварталы æхсæнадон хæлцы зилдухы бæрц рауад 1112,3 милуан сомы, ома, фароны уыцы рæстæгимæ абаргæйæ, абаргæ æргътæй нымайгæйæ, 4,2% фылдæр.

 

ОСТАВЬТЕ ОТВЕТ

Please enter your comment!
Please enter your name here