Хъæууон хæдзарад

0
30

Райдайæн бæрæггæнæнтæм гæсгæ, ацы азы æртæ мæймæ æппæт хъæууонхæдзарадон товаруадзджытæ (хъæууонхæдзарадон кусæндæттæ, зæхкусджыты (фермерон) хæдзарæдтæ, хицæн амалиуæггæнджыты хæдзарæдтæ нымайгæйæ) рауагътой 3534,0 милуан сомы бæрц продукци, ома, фароны уыцы рæстæгимæ абаргæйæ, 6,4 % фылдæр.

Фосдарынад. Ранымадмæ гæсгæ, ацы азы мартъийы кæрон æппæт хуызты хæдзарæдты стурвосы нымæц уыд 90,7 мин сæры (ома, фаронимæ абаргæйæ, 3,0% фылдæр), адонæй хъуццытæ уыдысты 37,6 мин сæры (4,2% фылдæр), хуыты нымæц уыд 21,1 мин сæры (15,2% къаддæр), фыстæ æмæ сæгъты нымæц — 106,6 мин сæры (31,4% фылдæр), мæргъты нымæц та — 1018,3 мин сæры (12,6% къаддæр).

Стурвосы 72,8 %, хуыты 99,6 %, фыстæ æмæ сæгъты 34,5 % уыдысты хицæн адæймæгты хæдзарæдты (ивгъуыд азы мартъийы кæрон та амынд нымæцтæ уыдысты мæнæ ахæмтæ: 74,5%, 99,3% æмæ 41,4%.

Ацы азы мартъийы кæрон, фарон уыцы рæстæгимæ абаргæйæ, хъæууонхæдзарадон кусæндæтты стурвосы нымæц 2,1 % фæкъаддæр, уыимæ хъуццыты нымæцыл бафтыд 0,3 %, фыстæ æмæ сæгъты нымæцыл — 2,6 %, мæргъты нымæц 24,7 % фæкъаддæр, хуытæ та иууылдæр иуварсгонд æрцыдысты.

Ацы азы æртæ мæймæ æппæт хуызты хæдзарæдтæ, хыгъдмæ гæсгæ, рауагътой (удæгас уæзæй нымайгæйæ) 8,1 мин тоннæйы дзидза, 33,0 мин тоннæйы æхсыр æмæ 19,2 милуан айчы.

Ацы азы мартъийы кæрон хъæууонхæдзарадон кусæндæттæ кæй рауагътой, уыцы дзидзайы бæрц (удæгас уæзæй нымайгæйæ), фароны уыцы афонимæ абаргæйæ, рауад 16,4% фылдæр, æйчыты рауагъдыл бафтыд 10,7%, æхсыры рауагъд та 14,2% фæкъаддæр.

Ацы азы январ-мартъийы æппæт хъæууонхæдзарадон куыстуæттæ иу хъугæй æрдыгътой 1401 килограммы æхсыр (фарон уыцы рæстæгмæ та — 1396 килограммы).

Хъæууонхæдзарадон продукцийы базарад ацы азы æртæ мæймæ, фароны уыцы рæстæгимæ абаргæйæ, хъæууонхæдзарадон куыстуæттæ хор, æхсыр, æхсырæй хойраг æмæ æйчытæ ауæй кодтой къаддæр, фос æмæ мæргътæ (удæгас уæзæй нымайгæйæ) та — фылдæр.

ОСТАВЬТЕ ОТВЕТ

Please enter your comment!
Please enter your name here