Номдзыд поэты сфæлдыстад хуыздæр базонынæн

0
21

Ирон литературæйы бындурæвæрæг Хетæгкаты Къостайы æмдзæвгæтыл  иу æмæ дыууæ музыкалон уацмысы фыст не ‘рцыд. Уыдон ссисты нæ дзыллæйы удварны хæзнатæ. Алы азты уыцы вокалон уацмыстæ мыхуыры фæцыдысты хицæн æмбырдгæдтæй. Уыдон сæйраджы-сæйрагдæр уагъд цыдысты поэты райгуырæн æмæ мысæн бонтæм.

Фарон Цæгат æмæ Хуссар Ирыстоны  дæр кадджынæй сбæрæг кодтам нæ номдзыд поэты райгуырдыл 160 азы сæххæсты юбилей. Чиныгуадзæн «Ир» æм бацæттæ кодта иуцалдæр чиныджы, уыдонимæ нæ номдзыд поэты æмдзæвгæтыл  фыст романстæ æмæ зарджыты æмбырдгонд. Сарæзтой йæ зындгонд музыканттæ Джиоты Алан, Мæдинæ Пшихачева (уый ма уыд æмбырдгонды музыкалон редактор дæр)  æмæ РЦИ-Аланийы Композиторты цæдисы сæрдар Магкоты Ацæмæз.  Чиныгмæ хаст æрцыдысты Къостайы поэтикон уацмыстыл фыст зарджытæ æмæ романстæ. Сæ автортæ сты  Кокойты Тæтæрхъан æмæ  Аслан, Грайр Ханеданьян, Тедеты Шаликъо, Моргуаты Юри, Плиты Мурат  æмæ ма суанг Цæгат Кавказы зындгонд композитортæ дæр. Уыдон зарджытæ æмæ романстæ ныффыстой Къостайæн  йæ ирон æмæ уырыссаг æмдзæвгæтыл. Чи сæ зара кæнæ цæгъда, уыдон арфдæр æмæ бæлвырддæр банкъардзысты, Къостайы æмдзæвгæты, зарджыты æмæ романсты хуызы цы аввдзинад æмæ рæсугъддзинад ис, уый. Хуыздæр зондзысты, поэты сфæлдыстадмæ иу кæнæ иннæ композиторæн цы ахаст ис, стæй йын  цы аргъ кæны, уый.

Чиныг хорз æххуыс фæуыдзæн Цæгат æмæ Хуссар Ирыстоны музыкалон скъолаты æмæ училищæты, стæй  нæ бæстæйы консерваториты ахуыргæнджытæн æмæ студенттæн. Йæ тираж у 200 экземпляры.

 

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here