Афойнадыл æмæ æххæстæй

0
20

Фæлхасгонд æрдзон газæн ацы азы фыццаг æмбисæн бюджеты куыстуæттæ бафыстой афойнадыл æмæ æххæстæй. Зæгъæм, фарон уыцы æмгъуыды фиддонтæ  рауадысты 85 проценты, ныр 106 процентæй фæфылдæр сты.

Уыдæтты тыххæй радзырдта «Газпром межрегионгаз Дзæуджыхъæу»-ы генералон директоры хæстæ рæстæгмæ æххæстгæнæг Плиты Алан. Ацы аз 1 июлмæ бюджетон фæлхасгæнджытæ газы фиддонтæй цы хæстæ дардтой, уыдоны бæрц 25 милуан сомы къаддæр фæци.

Районты бюджетон организациты кой кæнгæйæ, Плийы-фырт куыд бацамыдта, афтæмæй хорз фидынц Дзæуджыхъæу, Алагиры, Рахизфарсы æмæ Кировы районтæ. «Кæд  республикæ сæрмагонд уавæртæм гæсгæ цæры, уæддæр фæззыгон-зымæгон афонмæ бацæттæ кæныны нысантыл куыст цæуы. Вазыгджын рæстæг фиддонты фæтк фидардæр кæнынмæ бæрнонæй чи акаст, æппæт æмвæзады хицаудзинады  уыцы оргæнтæ æвдисынц уæлдай æмбарындзинад. Хъармдæттæн афонмæ бацæттæ кæныны хæс у иумæйаг», — загъта фæрæзтæдæттæг организацийы минæвар.

 

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here