Николаевы уынг ног асфальтæй æрæмбæрзтой

0
63

Ацы бонты Дзæуджыхъæуы подрядон организацийы бригадæтæ ахицæн кодтой Николаевы уынджы участочы цалцæг.

Уый тыххæй журналисттæн фехъусын кодта Цæгат Ирыстоны Фæндагон хæдзарады комитеты сæрдар Солиты Тариэл. Комитеты сæрдары ныхасмæ гæсгæ, цалцæггæнæн куыстытæ ахицæн сты æмгъуыдæй дзæвгар раздæр.

«Подрядон организацийы минæвæрттæ сæ куыст нæ баурæдтой пандемийы рæстæг дæр. Уыимæ, сæвзæргæ эпидемиологон уавæры аххосæй уынгты автомобилон транспорты нымæц дзæвгар кæй фæкъаддæр, уыцы æууæл дæр аразджытæн фадат радта, цæмæй æнæкъуыхцыйæ бакæной фæндагцалцæггæнæн куыстытæ. Цалцæггæнджытæ куыстой Николаевы уынджы (Минины уынгæй Котовскийы уынджы онг уаццагыл) — ног асфальтæй æрæмбæрзтой 0,9 километры. Бакодтой æндæр аивгæнæн куыстытæ дæр», — загъта Солийы-фырт.

Зæгъын хъæуы, Николаевы уынджы цалцæггæнæн куыстытæ фыццаградон национ проект «Æдас æмæ хæрзхъæд автомобилон фæндæгтæ»-йы фæлгæты конд кæй æрцыдысты, уый дæр.

 

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here