Зонындзинæдты бон — 1 сентябры

0
15

Ног ахуыры аз, куыд æмбæлы, афтæ райдайдзæн 1 сентябры. Уыимæ, Зонындзинæдты бон æмæ иннæ традицион мадзæлттæ арæзт æрцæудзысты æрвылбоны архайды фæткмæ гæсгæ.

Уый тыххæй йæ пресс-конференцийы рæстæг фехъусын кодта Уæрæсейы рухсады министр Сергей Кравцов.

«Нæхи цæттæ кæнæм, цæмæй 1 сентябры æппæт скъолатæ дæр байгом уой. Куыд иннæ азты, афтæ ныр дæр фæнд кæнæм Зонындзинæдты бон сбæрæг кæнын, стæй саразын æппæт иннæ æмбæлгæ кадджын мадзæлттæ дæр. Уыдонимæ — традицион «линейкæтæ» дæр. Дистанцион ахуырадмæ рахизыны фæнд нæм нæй», — фæнысан кодта министр.

Сергей Кравцовы ныхасмæ гæсгæ, уыимæ, дарддæр дæр хыгъд цæудзæн сæвзæргæ эпидемиологон уавæр. Министр куыд фæнысан кодта, афтæмæй спайда кæндзысты, Иумæйаг паддзахадон фæлварæн дæттыны рæстæг къухы цы фæлтæрддзинад бафтыд, уымæй дæр. «Æппæт къæпхæнтыл дæр бæстон хыгъд цæудзысты «Роспотребнадзор»-ы амынддзинæдтæ æмæ санитарон æдасдзинады домæнтæ», — бафиппайдта Сергей Кравцов.

 

(«ТАСС»)

ОСТАВЬТЕ ОТВЕТ

Please enter your comment!
Please enter your name here