«Рæзты тæлмытæ» — хъæууон скъолаты

0
35

Хъæууон скъолаты æмæ чысыл горæтты чи æрбынæттон, уыцы нымæцон æмæ гуманитарон «Рæзты тæлмытæ» ацы аз скусдзæн 42. Центртæ фæзындзысты фыццаградон национ проект «Ахуырад»-ы руаджы.

Цæмæй сæ сифтонг кæной, уый тыххæй хъуамæ федералон бюджетæй радих кæной 46,9 милуан сомы. Ныртæккæ «Рæзты тæлмытæ» кæм æрбынат кодтой, уым цæуынц цалцæггæнæн куыстытæ. «42 ахуырадон кусæндоны ныртæккæ иухуызон куыстытæ конд цæуынц, иуæй-иу «Рæзты тæлмыты» февнæлдтой фæлгонцгæнæн куыстытæм. Бæрзонд технологон ифтонггæрзтæ æмæ дзаума фæхæццæ сты скъолатæм. Куыддæр цалцæггæнæн куыстытæ фæсте аззайой, афтæ сæм бавналдзыстæм», — зæгъы проекты куратор Бæтаты Фатимæ.

Ахуырады программæтæ фадат дæттынц нырыккон ахуырдзаутæн, цæмæй сæм нырыккон зонындзинæдтæ фæзыной «Технологи», «Математикæ æмæ информатикæ», «Физикон культурæ æмæ цардарæзты æдасдзинады домæнтæ» предметтæй. «Рæзты тæлмытæ» ифтонг уыдзысты нымæцон ифтонггæрзтæй, алыхуызон инструменттæй, æдасдзинады æмæ фыццаг æххуыс бакæныны авналæнтæй.

«Центртæй пайдагонд цæудзæн уæлæмхасæн ахуырадон, нымæцон, техникон, гуманитарон æмæ æндæр программæты арæзтады. Уымæй уæлдай ма дзы хъуамæ уа “Шахмæтты тæлм” дæр. Ныридæгæн уал педагогтæ дистанцион форматы фесты сæ дæсныдзинад фæбæрзонддæр кæныны ахуыртæ, августы та ахуыр кæндзысты комкоммæ уагæй», — загъта Бæтаты Фатимæ.

Нымæцон æмæ гуманитарон ахуырад аххæсдзæн æппæт районтыл дæр. Зæгъæм, Æрыдоны районы фæзындзæн цыппар «Рæзты тæлмытæ», уыдон ма бафтдзысты, раздæр дзы чи куыста, уыдонмæ. Иннæ аз «Рæзты тæлмытæ» фæзындзысты 131 ахуырадон кусæндоны.

 

ГÆЛÆУТЫ Наталья

ОСТАВЬТЕ ОТВЕТ

Please enter your comment!
Please enter your name here