Цхинвалы уынгтæ аивдæр кæнынц

0
24

Хуссар Ирыстоны социалон-экономикон райрæзтæн ахъазгæнæг инвестицион программæйы фæлгæты цы ахсджиаг объекттæ арæзт цæуы, уыдоны номхыгъды сты Цхинвалы уынгты фæлгонцадон куыстытæ дæр.

Амæй размæ азты республикæйы сæйраг горæты уынгты зынгæ хаймæ ныридæгæн базылдысты, сцалцæг æмæ сæ саив кодтой. Ацы аз та ахæм куыстытæ кæнынц 8 уынджы. Хуссар Ирыстоны Арæзтады министрады пресс-службæйы минæвары ныхасмæ гæсгæ, республикæйы Президент подрядон организациты разамонджытæн бахæс кодта, цæмæй уыцы цалцæггæнæн æмæ фæлгонцадон куыстытæ 20 сентябры онг кæронмæ ахæццæ уой.

Æмæ уыцы нысаныл фæндагаразджытæ зæрдиагæй архайынц. Цалцæггæнæг бригæдтæ ныртæккæ кусынц Революцийы, В. Белинскийы, Базарадон, Табуйы-фырты æмæ иннæ уынгты.

Æмткæй райсгæйæ, министрады минæвары ныхасмæ гæсгæ, 2020-2022 азты аразджытæ базилдзысты 25 цхинвайлаг уынгмæ.

 

(Информацион агентад «Осинформ»)

ОСТАВЬТЕ ОТВЕТ

Please enter your comment!
Please enter your name here