Уæлахиздзаутæн — хæрзиуджытæ

0
34

Дзæуджыхъæуы администрацийы бæстыхайы арæзт æмбырды рæстæг Фæсивæдон политикæйы комитет æмæ Культурæйы управлени фадæттæ кæмæн сарæзтой, уыцы конкурстæ «Удæгас ныхас хæсты тыххæй» æмæ «ИскусствоДеГусто»-йы уæлахиздзаутæн хæрзиуджытæ радтой.

Хъæууонхæдзарадон куыстадон кооператив «ДеГусто» Бинонты, уарзондзинад æмæ æнувыддзинады боны кадæн бахаста конкурс «ИскусствоДеГусто» саразыны фæндон. Къамис кæй рабæрæг кодта, уыцы авд уæлахиздзауæй иу уыд стыр бинонты хуызы хи бавдисæг æнæхъæн кæрт. Æппæт уæлахиздзаутæн «ДеГусто»-йы номæй радтой призтæ.

Конкурс «Удæгас ныхас хæсты тыххæй» сарæзтой акци «Библиоæхсæв»-ы кадæн. Фыдыбæстæйы Стыр хæсты Уæлахизы юбилеймæ гæсгæ, конкурсы уæлахиздзауты нымæц уыд æвдай фондз. Карантины уавæртæ нымайгæйæ, конкурсы уæлахиздзаутæн хæрзиуджытæ радтой дыууæ мæйы фæстæдæр. Дыууæ конкурсы архайынæн дæр уыд хуымæтæджы уагæвæрдтæ. Конкурсантты хæс уыд бæлвырдгонд тематикæмæ гæсгæ жюримæ видеоролик, кæнæ къамтæ барвитын.

— Конкурс «Удæгас ныхас хæсты тыххæй»-ы æдæппæт архайдтой иу мин æмæ фондзсæдæ адæймаджы. Æвдай фондз хуыздæр куысты авторты хорзæхджын кæнæм лæвæрттæ æмæ дипломтæй, — æмбырды ныхас кæнгæйæ, загъта горæты Культурæйы управленийы хицау Мæрзойты Руслан.

— Хи цоты сфæлдыстадон курдиат раргом кæнынæн чи ахъаз кæны, уыцы ныййарджытæн бузныг зæгъын. Нæ фæсивæд се ‘взонджы бонты аивадыл кæй сахуыр вæййынц, уый нын æхсызгон у, — загъта Фæсивæдон политикæйы комитеты сæрдар Фидараты Аслан.

 

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here