Ног азы къӕсӕрыл — ног ӕнтыстдзинӕдтимӕ

0
20

Дзӕуджыхъӕуы кадджын уавӕры байгом Цӕгат Ирыстоны ӕппӕты стырдӕр ног скъола-гимназ «Диалог». Ӕмбырды архайдтой РЦИ-Аланийы Сӕргълӕууӕг Битарты Вячеслав, РЦИ-Аланийы ӕххӕстбарджын минӕвар УФ-йы Президенты цур Дзанайты Барис, ахуырад ӕмӕ наукӕйы министр Людмилӕ БашаринА, арӕзтад ӕмӕ архитектурӕйы министр Тотыккаты Артур.

Ног гимназы ахуыр кӕндзӕн 1100 скъоладзауы. Арӕзт ӕрцыд федералон проект «Нырыккон скъола» ӕмӕ национ проект «Ахуырад»-ы фӕлгӕты . Дзуапп дӕтты ӕппӕтӕй дӕр нырыккон домӕнтӕн. Ӕртӕуӕладзыгон бӕстыхайы ӕрбынат кодтой ахуыргӕнӕн кълӕстӕ, ӕрмадзтӕ лӕппутӕн ӕмӕ чызджытӕн, дыууӕ спортивон залы, библиотекӕ, стыр ӕмбырдтӕ аразӕн зал, 550 ӕрбадӕн бынаты кӕм ис, ахӕм хӕрӕндон, психолог ӕмӕ логопеды кабинеттӕ, медицинон ӕххуысы блок.

Уыдонӕй уӕлдай ма дзы арӕзт ӕрцыд, Цӕгат Ирыстоны фыццаг чи у, ахӕм нымӕцон ахуырадон центр «IT-куб». Ис дзы ӕхсӕз ахуырадон здӕхты: «Программирование на Python», «Мобильная разработка», «Программирование роботов», «Разработка приложений виртуальной и дополнительной реальности», «Системное администрирование» и «Основы алгоритмики и логики». «IT-куб» центры уӕлӕмхасӕн ахуырад афӕдзмӕ исдзӕн 400 сывӕллоны.

— Гимназ «Диалог» арӕзт ӕрцыд нырыккон технологитӕм гӕсгӕ. Ис дзы ӕппӕт фадӕттӕ дӕр ахуыргӕнджыты удӕнцой куыстӕн ӕмӕ скъоладзауты хӕрзхъӕд ахуырӕн, стӕй йе ‘нӕниздзинад хъыгдард кӕмӕн у, уыцы скъоладзаутӕн.

Мӕн уырны, ног скъолайы алы ахуырдзауӕн дӕр кӕй уыдзӕн йӕхи алывӕрсыгӕй раргом кӕныны фадат. Дӕсны ӕмӕ фӕлтӕрдджын ахуыргӕнджытӕ сын ӕххуыс кӕндзысты ног зонындзинӕдтӕм тырнындзинады фӕндагыл цӕуынӕн, сӕ миддунейы хъӕздыгдзинӕдты райрӕзты ӕмӕ ӕнӕниз цардыуаджы хъуыддаджы, — загъта Битарты Вячеслав.

Уӕ зӕрдыл уын лӕууын кӕнӕм: 2020 азы Цӕгат Ирыстоны байгом уыдзӕн фондз ног скъолайы. Ӕдӕппӕтӕй дзы ахуыр кӕндзысты 2850 скъоладзауы. Федералон фӕрӕзты фӕрцы нӕ республикӕйы капиталон цалцӕггонд ӕрцыдысты 11 скъолайы.

ХЪОЙБАЙТЫ Галинӕ

ОСТАВЬТЕ ОТВЕТ

Please enter your comment!
Please enter your name here