Хонӕм уӕ «Ричард — III»-мӕ

0
38

Тӕбӕхсӕуты Балойы номыл паддзахадон академион Ирон театр дӕргъвӕтин рӕстӕг уыдис ӕхгӕд. Ныр йӕ 85-ӕм сезон байгом кодта, Уильям Шекспиры пьесӕ «Ричард — III»-ӕй.

Сӕйраг режиссер, Цӕгат Ирыстон ӕмӕ Кӕсӕг-Балхъары республикӕты сгуыхт артист Уалыты Гиви куыд радзырдта, афтӕмӕй пьесӕйыл куыст цыдис азы дӕргъы. Дунейы мидӕг зындгонд уацмыс театры аивадон совет хуымӕтӕджы нӕ равзӕрста. «ӕз ацы спектаклмӕ ӕнхъӕлмӕ кӕсын, фӕнды мӕ, цӕмӕй театрдзау хъомылгонд цӕуа дунеон литературӕйы уацмыстыл. Иутӕ фӕзӕгъынц, классикӕ ӕгӕр уӕззау у, зӕгъгӕ. Мах хъуамӕ уыцы ахаст фехалӕм, нӕ театрдзаутӕ хъуамӕ стыр классикӕйӕн аргъ кӕнын базоной», — загъта Уалыйы-фырт.

Сӕйраг ролы — Ричарды адӕм фендзысты Цӕгат Ирыстоны адӕмон артист ӕлбегаты Аланы. Спектаклы хъазынц 30 актеры, театры фӕсивӕд. Юбилейон сезонмӕ ма бацӕттӕ кодтой ӕндӕр спектаклтӕ дӕр. «Роспотребнадзор»-ы ӕппӕт домӕнтӕ дӕр ӕххӕстгонд ӕрцӕудзысты, театрдзаутӕ уыдзысты маскӕты, ӕххӕстгонд цӕудзӕн социалон уагӕвӕрд.

Уалыты Гивийы ныхасмӕ гӕсгӕ, хииппӕрддзинады фӕтк фӕзынд иумӕйаг уавӕртыл. «Культурӕ у адӕймаджы удварны хотых, ӕгайтма нӕ театр йӕ дуӕрттӕ байгом кодта», — бафиппайдта Уалыйы-фырт.

ОСТАВЬТЕ ОТВЕТ

Please enter your comment!
Please enter your name here