Ӕвзӕрстытӕм цӕттӕдзинад

0
20

РЦИ-Аланийы Сӕргълӕууӕг Битарты Вячеслав фембӕлд Центрон ӕвзарӕн къамисы сӕрдар Моргуаты Жаннӕимӕ. Ныхас рауад хъӕлӕс кӕныны иугонд бонмӕ цӕттӕдзинадыл.

Ацы хуыцаубоны Цӕгат Ирыстоны фондз ӕвзарӕн компанийы ӕрхонкӕйы станицӕйы, Мызуры, Майрӕмададжы, Астӕуккаг Урухы хъӕуты цӕрджытӕ ӕвзардзысты хъӕуты хицӕутты. Кандидатты нымӕц у 16.

Республикӕйы Сӕргълӕууӕг бафарста Центрон ӕвзарӕн къамисы сӕрдары цӕттӕдзинады тыххӕй. «Нӕ размӕ лӕууы, ӕвзӕрстытӕ кусгӕ закъонӕвӕрынады фӕткмӕ гӕсгӕ скӕнын, рӕдыдтытӕ ма ‘руадзгӕйӕ. Ӕвзарджытӕ хъуамӕ сабыр уавӕры схъӕлӕс кӕной ӕппӕты аккагдӕртыл», — загъта Битарты Вячеслав.

Моргуаты Жаннӕйы ныхасмӕ гӕсгӕ ӕппӕт кандидаттӕ дӕр агитацион, ӕмбарынгӕнӕн куыст кӕнынц. Хъӕуты хицӕуттӕм кандидаттӕ баныхас кодтой иумӕйаг ахсджиаг хъуыддӕгтыл, ӕххӕст кӕндзысты ерысхъом тохы ӕууӕлтӕ. Центрон ӕвзарӕн къамис уӕлдай ӕргом аздӕхта ног коронавирусон хӕцгӕнизӕй ӕвзарджыты бахизынмӕ. Моргуаты Жаннӕ куыд бафиппайдта, афтӕмӕй ӕппӕт ӕвзарӕн хӕйттӕ дӕр ифтонг сты хи бахъахъхъӕныны фӕрӕзтӕй.

Авд ӕвзарӕн къамисы равӕрдтой ӕвзарджыты хъӕлӕстӕ нымайынӕн сӕрмагонд комплекстӕ. Ис дзы видеорегистратортӕ, уыдон боны дӕргъы сӕ цӕст дардзысты ӕвзарӕн хаймӕ.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here