Битарты Вячеслав: «Республикӕйы разамынды хӕс у хъӕуты цӕрджыты социалон уавӕртӕ фӕхуыздӕр кӕнын…»

0
22

Ӕрхонкӕйы станицӕйы бындурон цалцӕджы фӕстӕ йӕ дуӕрттӕ байгом кодта рынчындон 50 бынатимӕ. Кадджын мадзалы архайдта РЦИ-Аланийы Сӕргълӕууӕг Битарты Вячеслав.

Уый ӕрбацӕуӕг адӕмӕн радзырдта, ацы медицинон кусӕндон бирӕ азты дӕргъы уӕззау уавӕры кӕй уыд ӕмӕ дзы рынчынтӕ тухитӕ кӕй кодтой, уый тыххӕй. Ӕрмӕстдӕр федералон центры руаджы фарст лыггонд ӕрцыд.

«Республикӕйы разамынды сӕйраг фарст у хъӕуты цӕрджыты социалон уавӕртӕ фӕхуыздӕр кӕнын, уыимӕ — ӕнӕниздзинад хъахъхъӕнынады лӕггӕдтӕ банывыл кӕнын. Хъуамӕ адӕммӕ уой хӕстӕг. Мах ӕппӕт тыхтӕй дӕр архайӕм, цӕмӕй алы хъӕуы кӕнӕ поселочы дӕр фӕзына амбулатори, фелсырон-акушерон пункт. Чи кусы, уыцы организациты рӕзтмӕ дӕр стӕм къӕрцхъус. Аразӕм ахуыргӕнӕндӕттӕ дӕр, афтӕмӕй хъӕуты цӕрджытӕн уавӕртӕ кӕнӕм», — бафиппайдта Битары-фырт. Уый ма арфӕ ракодта Ӕрхонкӕйы станицӕйы цӕрджытӕн, республикӕйы ӕхсӕнадон царды афтӕ ахсджиагӕй кӕй архайынц, уый тыххӕй. Уый фӕстӕ ӕрбацӕуӕг адӕм ӕрзылдысты цалцӕггонд рынчындоныл, федтой уавӕртӕ, нырыккон ифтонггӕрзтӕй ӕххӕст медицинон кабинеттӕ, хӕрӕндон, палатӕтӕ.

Рынчындоны фӕзуаты ӕрбынӕттон сты агуат, трансформаторон дӕлстанцӕ, дизелон электростанцӕ ӕмӕ сыгъдӕггӕнӕнтӕ. Медицинон кусӕндоны раз цы домӕнтӕ ӕвӕрд цӕуынц, уыдонмӕ гӕсгӕ хайӕдтӕ ӕвӕрд сты хицӕн бынӕтты. Социалон объектмӕ базылдысты «2025 азмӕ Цӕгат Кавказы рӕзты тыххӕй» паддзахадон программӕйы фӕрцы.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here