Ног фонтан скуыста

0
33

Сӕрибары фӕзы арӕзт ӕрцыд ӕмӕ нырӕй фӕстӕмӕ дзӕуджыхъӕуккӕгты цӕст рӕвдаудзӕн музыкалон-хуызджын фонтан. Йӕ гом кӕныны кадджын мадзалы архайдтой РЦИ-Аланийы Сӕргълӕууӕг Битарты Вячеслав, амалхъом Гуыриаты Владимир, Дзӕуджыхъӕуы бынӕттон хиуынаффӕйады администрацийы сӕргълӕууӕг Фӕрниаты Тамерлан.

— Абон Дзӕуджыхъӕуы царды ӕрцыд ахсджиаг цау. Хӕрзӕрӕджы дӕр ма нӕ республикӕйы сӕйраг фӕз ӕдзӕллаг уавӕры уыд, реставрацион куыстытӕ дзы цыдысты. Ӕмӕ ӕхсызгон у, куыстытӕ конд кӕй фесты, уый, — загъта Битарты Вячеслав. Куыд бафиппайдта, афтӕмӕй ацы фонтан саразыны фӕндон фӕзынд Гуыриаты Владимирмӕ. Уый йӕхи номӕй ацы фонтан балӕвар кодта нӕ горӕты цӕрджытӕн.

— Цы проект сарӕзта, уымӕ нӕ хаудта фонтаны арӕзтад, фӕлӕ йӕ уӕддӕр сарӕзта. Гуыриаты Владимиры ӕмӕ Къомайты Русланы хуызӕн адӕймӕгты руаджы нӕ республикӕ цӕуы рӕзты фӕндагыл. Иу хатт ма сын бузныг зӕгъын Ирыстоны кад бӕрзонд кӕй исынц, уый тыххӕй — загъта Битары-фырт.

Кӕд нырма Сӕрибары фӕзы цалцӕггӕнӕн куыстытӕ кӕронмӕ нӕма ахӕццӕ сты, уӕддӕр ацы фонтан кусдзӕн.

— Нӕ республикӕйы сӕйраг фӕзы цалцӕггӕнӕн куыстытӕ куы нӕ цыдаиккой, уӕд ацы хорз проект нӕ фӕзындаид. Уый та царды рауадзын нӕ къухы бафтыд, РЦИ-Аланийы Сӕргълӕууӕг Битарты Вячеслав уӕрӕх реконструкцийӕн уӕлӕмхасӕн фӕрӕзтӕ кӕй радих кодта, уый руаджы. Кӕд абон бынтон хорз рӕстӕг нӕу, уӕддӕр ацы бӕрӕгбон нӕ фехӕлд, — загъта Гуыриаты Владимир. Йӕ ныхасмӕ гӕсгӕ, фонтаны конструкци хуымӕтӕг нӕу. Йе ‘ппӕт хӕйттӕ дӕр ласт ӕрцыдысты Италийӕ. Нырӕй фӕстӕмӕ ам сӕ фӕллад уадздзысты горӕты цӕрджытӕ сӕ кӕстӕртимӕ, — бафиппайдта Гуырийы-фырт.

ОСТАВЬТЕ ОТВЕТ

Please enter your comment!
Please enter your name here