Михаил Кожуховимӕ ныхас

0
21

РЦИ-Аланийы Сӕргълӕууӕг Битарты Вячеслав фембӕлд зындгонд журналист, «Балцы цӕуӕг клуб»-ы президент Михаил Кожуховимӕ. Уый республикӕмӕ ссыд туристты къордимӕ.

Республикӕйы разамонӕг зӕрдиагӕй раарфӕ кодта уазӕгӕн, загъта, ӕхсызгон ын кӕй у, уый. «Ацы балц дын Цӕгат Ирыстонмӕ фыццаг нӕу, ныр дӕр дзы разыйӕ кӕй баззайдзынӕ, уый мӕ уырны. Демӕ, ӕнӕмӕнг, аласдзынӕ алыхуызон мысинӕгтӕ. Республикӕйы туристон хъомысы тыххӕй цы хъуыды кӕныс, уый нын у ахсджиаг. Бирӕ уӕрӕсейӕгтӕ дӕм хъусынц, ды сын цы радзурай Ирыстоны тыххӕй, уый сын уыдзӕн пайдайаг. Мах архайӕм туризмы рӕзтыл. Уый республикӕйы Хицауады куысты у ӕппӕты бӕрнондӕр», — загъта Битары-фырт.

Михаил Кожухов йӕ хъуыдытӕ радзырдта Цӕгат Ирыстоны тыххӕй: «Мӕ балц кӕддӕриддӕр вӕййы тынг зӕрдӕмӕдзӕугӕ. Уарзын Цӕгат Ирыстонмӕ цӕуын. Ам ис диссаджы адӕм, ӕрдз, хӕхтӕ. Хорзӕрдӕм ивддзинӕдтӕ сты бӕрӕг. Ӕнӕмӕнг уӕм ис туристон хъомыс», — бафиппайдта Михаил Кожухов.

Уый мидтуризмы рӕзтӕн куыд ӕххуыс кӕны, уымӕн стыр аргъ скодта Битарты Вячеслав: «Нӕ бӕстӕйы регионтӕй туристтӕ алырдӕм куыд змӕлынц, уый сын фадат дӕтты кӕрӕдзиимӕ, субъектты цӕрджытимӕ хуыздӕр базонгӕ уӕвынӕн. Федералон Хицауад стыр куыст кӕны, цӕмӕй мидтуризм рӕза», — уымӕн.

Цӕгат Ирыстоны Сӕргълӕууӕг уазӕгӕн радта зӕрдылдарӕн лӕвар.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here