Цыртдзӕвӕн Дӕллаг Санибайы

0
25

Хӕсты фӕстӕ, Джызӕлы ӕмӕ Дӕллаг Санибайы зылды чи фӕмард, уыцы салдӕтты ӕмбырд кодтой ӕмӕ сӕ ныгӕдтой Дӕллаг Санибайы уӕлмӕрды кӕрон. Горӕтгӕрон районы разамынд мын къорд азы размӕ бафӕдзӕхста уыцы ӕфсымӕрон ингӕн бабиноныг кӕнын. Архитектор Гуыбаты Зауыримӕ нӕхимӕ райстам уыцы хӕс.

Мӕ зӕрдыл ма хорз лӕууы: иу бон цыртдзӕвӕныл кусгӕйӕ, бафиппайдтам, рог автомашинӕ нӕ цуры куыд фӕурӕдта, уый. Чи дзы рахызт, уыцы лӕгтӕй иу — рӕвдз бауад цыртдзӕвӕны ӕфсӕйнаг къӕйы размӕ ӕмӕ зыдӕй кӕсы ӕдзард хӕстонты мыггӕгтӕ. Уалынмӕ йӕ уӕрджытыл ӕрхауд ӕмӕ ныккуыдта, стӕй пъатӕ кӕнын райдыдта, цы мыггаг ссардта, уый дамгъӕтӕн. Йе ‘мбӕлттӕ йӕ басабыр кодтой. Куыд рабӕрӕг, афтӕмӕй къӕйыл фыст уыдис йӕ хӕстон ӕмбалы мыггаг.

— Уӕртӕ уыцы ран фӕмард, ацамыдта иу ранмӕ, — фашисттӕй цалдӕры скуынӕг кӕнгӕйӕ. Уым ӕй баныгӕдтон мӕхӕдӕг. Ингӕн арф скъахыны фадат нӕ уыд ӕмӕ мӕ зӕрдӕ ‘хсайдта, зӕгъын, кӕд ӕй, мыййаг, сырдтӕ ракъахтой. Ныр мӕ уд ӕрсабыр уыдзӕн, уымӕн ӕмӕ ме ‘мбал ӕфсымӕрон ингӕны ныгӕд ӕрцыд.

Махӕн зӕрдиаг арфӕтӕ фӕкодта…

ДЗБОЙТЫ Михал, скульптор

ОСТАВЬТЕ ОТВЕТ

Please enter your comment!
Please enter your name here