Фыдбылызӕй нӕхи бахизӕм

0
13

Ӕрыдоны районы Паддзахадон автоинспекцийы кусджытӕ профилактикон нысанимӕ фембӕлдысты ӕрыгон шофыртимӕ.

ДОСААФ-ы Ӕрыдоны автоскъолайы автоинспектортӕ ӕмӕ, машинӕ скъӕрын нырма хӕрзӕрӕджы чи райдыдта кӕнӕ райдайдзӕн, уыцы ӕрыгон шофыртӕ сӕ фембӕлды рӕстӕг ӕрныхас кодтой, фӕндагон бӕллӕхтӕм арӕхдӕр цы рӕдыдтытӕ ӕркӕнынц, уыдоныл.

Уӕлдай ӕргом аздӕхтой, фӕндагыл цӕугӕйӕ, арӕхдӕр цы административон барадхӕлдтытӕ ӕрцӕуы, уыдоны профилактикӕмӕ. Уыдонмӕ хаст цӕуынц: машинӕйӕн куыд тагъд цӕуын ӕмбӕлы, уыцы ӕгъдау халыны цаутӕ, машинӕ нозтджынӕй скъӕрыны цаутӕ, ӕнӕ ӕмбӕлгӕ бадӕнтӕй ӕмӕ хъахъхъӕнӕн ифтонггӕрзтӕй сывӕллӕтты ласыны цаутӕ ӕмӕ ӕндӕртӕ.

Уымӕй уӕлдай, инспектортӕ автоскъолайы ахуырдзаутӕн се ‘ргом аздӕхтой, шофыртӕ дӕр, бӕлццӕттӕ дӕр ӕдасдзинады рӕттӕй ӕнӕмӕнг цӕмӕй пайда кӕной, уыцы фарстмӕ дӕр.

Фембӕлды кӕронбӕттӕны инспектортӕ ноджыдӕр ма иу хатт бауынаффӕ кодтой, ӕрыгон шофыртӕн, цӕмӕй фӕндагыл цӕугӕйӕ къӕрцхъусдӕр ӕмӕ лӕмбынӕгдӕр уой, сӕхи ӕнӕниздзинад ӕмӕ, фӕндагыл чидӕриддӕр цӕуы, уыдоны ӕнӕниздзинад хъахъхъӕнын рох ма кӕной ӕмӕ, иннӕ шофыртӕн цӕвиттонӕн куыд бӕззой, ууыл архайын.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here