Ныхас культурӕйы рӕзтыл

0
73

Уӕрӕсейы Культурӕйы министр Ольгӕ Любимоваимӕ Мӕскуыйы фембӕлд  РЦИ-Аланийы Сӕргълӕууӕг Битарты Вячеслав. Фембӕлды рӕстӕг фӕбӕрӕг кодтой, Дзӕуджыхъӕуы культурон кластеры бынаты рӕзт, хъӕуты культурӕйы артдзӕстытӕ сцалцӕг кӕнынӕн ӕмӕ саразынӕн уӕлӕмхасӕн субсидитӕ райсыны хъуыддаг.

Битарты Вячеслав куыд бафиппайдта, афтӕмӕй ныртӕккӕ республикӕйы  стыр ӕргом здахынц курдиатджын сывӕллӕттӕм, ӕппӕт фадӕттӕ сын аразынц сӕ дарддӕры рӕзтӕн. Уыцы-иу рӕстӕг бынӕттон Хицауады раз лӕууы культурӕйы артдзӕстыты  материалон-техникон ифтонгады фарст. Регионы разамонӕджы ныхасмӕ гӕсгӕ, хъуамӕ бавналой культурӕйы ахуырадон ног кусӕндӕтты рацарӕзтмӕ, курдиатджын сывӕллӕттӕ ӕмӕ фӕсивӕдӕн интернаттӕ аразынмӕ.

Ольгӕ Любимова куыд фӕбӕрӕг кодта, афтӕмӕй регионалон Хицауадимӕ ӕмгуыстад зынгӕ фӕхуыздӕр кодта Цӕгат Ирыстоны культурӕйы инфраструктурӕ, йӕ историон бынтӕ йын бахъахъхъӕныны нысантӕ. Уый зӕрдӕ бавӕрдта хъӕппӕристӕ равзарынӕй, цы документтӕ йӕм балӕвӕрдтой, уыдонмӕ ӕркӕсынӕй. Ныхас ма сӕм рауад Аланийыл Саргъуыды 1100 азы сбӕрӕг кӕныныл дӕр. Битарты Вячеслав куыд радзырдта, афтӕмӕй Алагиры районы архайынц, Сыгъдӕг Мады-Майрӕмы аргъуан бахъахъхъӕныныл. Культурӕйы министрад та  хъуамӕ равзара, «Культурӕ ӕмӕ туризмы рӕзты» паддзахадон программӕйы финансон-экономикон пъланмӕ йӕ бахӕссӕн ис ӕви нӕ, уый.

ОСТАВЬТЕ ОТВЕТ

Please enter your comment!
Please enter your name here