Зæрдылдарæн бонтæ

1 январы 1924 азы Хуссар  Ирыстоны областон центр Цхинвалы ирон  æвзагыл цæуын  райдыдта æрвылбон  газет  «Хурзæрин»(Коммунист», Советон Ирыстон»).

1927 азæй Хуссар  Ирыстоны областон центр Цхинвалы  цæуын  райдыдта аив-литературон  æмæ  æхсæнадон-политикон æрвылмæйон журнал «Фидиуæг», Гуырдзыстоны ССР фысджыты  Цæдисы Хуссар Ирыстоны хайады орган.

…1935 азы Хуссар  Ирыстоны, Знауыры  районы, Хъорнисы  хъæуы райгуырдис поэт æмæ зонадон кусæг, литературон критик, филологон зонæдты  кандидат Дзуццаты Арамбеджы  фырт Хадзы-Мурат.

…1939 азы Хуссар  Ирыстоны Æххæстгæнæн Комитеты Президиумы  уынаффæмæ  гæсгæ облæстон  зарджыты  къорд, адæмон  кæфтыты  ансамбль  æмæ  оркестры  баиу  кодтой æмæ  дзы  сарæзтой кафт ææмæ  зарды  Хуссар  Ирыстоны Паддзахадон ансамбль «Симд», йæ аивадон  къухдариуæггæнæгæй  нысан æрцыд Галаты Алыксандры  фырт Барис.

…1937азы Цæгат Ирыстоны, ХЪæдгæроны хъæуы райгуырдис ирон  сылгоймаг  поэт, Хостыхъоты Ахмæты чызг Зинаидæ. 

…1907 азы Владикавказы горæты райгуырдис ирон драматург æмæ режиссер Джимиты Савелийы фырт Георги. Георги 1944 азы 25 сентябры фæмард трагикон æгъдауæй.

…1957 азæй газет «Коммунист»-ы ном ивд æрцыд «Советон Ирыстон»-ы номæй.

3 январы 1900 азы Гуырдзыстоны ССР, Хъазбеджы районы, Къобы хъæуы райгуырдис стыр ирон ахуыргонд, филологон зонæдты доктор, профессор, Паддзахадон премийы лауреат, ирон æвзаджы историон-этимологион дзырдуаты автор, профессор Абайты Иваны фырт Вассо.

13 январы 1924 азы Хуссар Ирыстоны, Куатетрийы хъæуы мæгуыр зæхкусæг бинонты ‘хсæн райгуырдис зонадон кусæг, ахуыргæнæн чингуыты автор, филологон зонæдты доктор, профессор Гæбæраты Ясоны фырт Никъала.

14 январы 1882 азы Хъуды комы, Арагвийы доны былгæрон, Гагисы хъæуы райгуырдис ирон культурæ æмæ литературæйы стыр архайæг, поэт, драматург, прозаик, тæлмацгæнæг Гæдиаты Секъайы фырт Цомахъ. Цомахъ амардис 24 октябры 1931 азы.

16 январы 1872 азы Цæгаи Ирыстоны, джызæлы хъæуы райгуырдис ирон аивадон прозæйы бындурæвæрджытæй иу – публицист, драматург, ирон адæмы уарзон фыссæг Коцойты Барисы фырт АрсенАрсен амардис 4 февралы 1944 азы.

25 январы 1925 азы Владикавказы амардис поэт, тæлмацгæнæг æмæ  адæмон сфæлдыстад æмбырдгæнæг Хъайтмæзты Бекмырзæйы фырт Аслæмырзæ. Аслæмырзæ райгуырдис Цæгат Ирыстоны, Алагиры комы, хæххон хъæу Зæрæмæджы 1866 азы.

29 январы 1937 азы Цæгат Ирыстоны, Бæрæгъуыны хъæуы райгуырдис фыссæг, журнал «Ногдзау»-ы редактор Дзасохты Сосыкъойы фырт Музафер.

Ф е в  р а л ь

5 февралы 1979 азы амард зынгæ советон æфсæддон архайæг, Советон Цæдисы дыууæ хатты хъайтар, Монголы Адæмон республикæйы  хъайтар, Армийы инæлар Плиты Алыксандры  фырт  Иссæ.

8 февралы 1916 азы Цæгат  Ирыстоны, Нары  зылды, Хозиты  хъæуы райгуырдис ирон зынгзæрдæ  поэт Хозиты  Ясоны  фырт Яков Хозиты  Яков  амардис 1938 азы  22 аздзыдæй.

25 февралы 1940 азы Хуссар Ирыстоны, Дзауы районы, Дзомагъы хъæуы райгуырдис поэт, ахуыргæнæг æмæ  зонадон кусæг, филологон  зонæдты  кандидат, Цæгат  Ирыстоны  паддзахадон университеты  ирон  æвзаг  æмæ литературæйы кафедрæйы доцент Джыккайты Федыры  фырт Шамил.

26 февралы 1941 азы Цæгат  Ирыстоны  Рахизфарс районы райгуырдис  поэт Ходы Хазбийы фырт  Камал.

27 февралы 1925 азы Хуссар Ирыстоны, Дзауы районы Ног хъæуы райгуырдис поэт, прозаик, драматург, критик, публицист, тæлмацгæнæг  æмæ  зонадон  кусæг, филологон  зонæдты  доктор, Хетæгкаты  Къостайы номыл  премийы лауреат, профессор Джусойты Григолы фырт Нафи